2016 jyly Qyzylorda oblysynda óńdeý sektoryndaǵy ósim 15 % boldy

2016 jyly Qyzylorda oblysynda óńdeý sektoryndaǵy ósim 15 % -dy qurady. Bul týraly Qyzylorda oblysynyń ákimi Qyrymbek Kósherbaev Memleket basshysynyń «Qazaqstannyń úshinshi jańǵyrýy: jahandyq básekege qabilettilik» atty Joldaýyn júzege asyrýǵa arnalǵan oblystyq ıdeologııalyq aktıv jıynynda málimdedi. Joldaýda Prezıdent  eńbek ónimdiligin arttyrýdy tapsyrǵan bolatyn. Sońǵy jyldary Qyzylorda oblysy  óńdeýshi sektordy turaqty damytýǵa qol jetkizdi.  2016 jyldyń qorytyndysy boıynsha bul saladaǵy ósim 15 paıyzdy qurady. 2012 jylmen salystyrǵanda ósim 52 paıyz. Osy saladaǵy eńbek ónimdiligi 6 ese (respýblıkada 2,4 ese) ósken. Nátıjesinde ónerkásip  qurylymynda óńdeý sektorynyń úlesi 4 esege, al, aımaqtyq jalpy ónim qurylymynda 3,5 ese ósti. -Biz qarqyndy tómendetpeýimiz qajet. Innovasııany qoldaý jáne olardy óndiriske jyldam engizý jańa ındýstrııany qalyptastyrýdyń mańyzdy sharty bolyp tabylady. Sondyqtan kásiporyndarda eńbek ónimdiligin arttyrý úshin oblys ákiminiń orynbasary E. Kımge 2017 jyldyń 15 naýryzyna deıingi merzimde jańa tehnologııalardy engizýdiń múmkindikterin zertteýdi tapsyramyn, - dedi oblys ákimi.