Din taqyrybyn jazatyn jýrnalıster bas qosty

Jýyrda О́skemende Qazaqstan musylmandary dinı basqarmasynyń О́skemen aımaǵy ókildiginiń muryndyq bolýymen «Adamgershilik qundylyqtardy nasıhattaýdaǵy BAQ-tyń róli» taqyrybynda I respýblıkalyq jýrnalıster forýmy ótti. Taǵylymdy sharaǵa QMDB-ǵa qarasty elimizdiń barlyq óńirlerindegi baspasóz hatshylary, jýrnalıster, ǵalymdar, dinı birlestik jetekshileri, jas­tar men aımaqtyń ımamdary qatysty. – Sońǵy jyldary ǵalam­tor betterinde, aqparat qural­darynda únemi bolmasa da, ara-tura asyl dinimizge nuqsan keltiretin ushqary oı-pikirler men ártúrli maqalalar jarııa­lanyp júr. Munyń bári bil­mestikten, durys túsin­be­gen­dikten týyndaıtyny bel­gili. Sondyqtan din taqy­rybyn jaz­ǵanda jýrnalıster qaýymy elimizde dinı alaýyzdyq týdyrmaıtyndaı, kerisinshe eldiń birligin bekemdep, jurt­ty ımandylyqqa, izgilikke shaqy­ratyn dúnıelerge kóbirek qalam siltese degen izgi nıetpen uıymdastyryp otyrmyz bul sharany, – dedi QMDB О́skemen aımaǵynyń ókil ımamy, oblystyq «Halıfa Altaı» meshitiniń bas ımamy Ermek Mu­qataı forýmdy ashqan sózinde. Forýmda baıandama jasaǵan Qazaqstan musylmandary dinı basqarmasynyń baspasóz bóliminiń basshysy Aǵabek Sydyqov jýrnalıster din taqyrybyn qaýzaǵanda sensasııa izdegennen góri, jurtqa taǵylym-tárbıe, úlgi-ónege beretin dúnıelerge kóńil bólse, bul máselege baıyptylyqpen, salmaqtylyqpen, jaýapker­shilikpen qarasa degen tilegin jetkizdi. – Anyq-qanyǵyna kóz jet­kizilmeı, asyǵystyqpen, qalaı bolsa solaı jarııalanatyn materıaldar kóbeıdi. Máselen, «Meshitte aıaq kıim urlandy», «Molda aqsha surady», «Me­shitte tóbeles shyqty» degen sekildi aqparattardy jurttan súıinshi suraǵandaı apyl-ǵupyl jarııalaýǵa asyǵatyn árip­testerimizdiń qatary azaımaı tur. «Otyz tisten shyq­qan sóz otyz rýly elge taraıdy» degendeı, budan keıin bul aqparatty qansha jerden teriske shyǵarsań da, halyq arasynda alǵashqy estigen nemese oqyǵan aqparat qalyp qoıady. Keıin júz dálel keltirse de, sol adam týraly qoǵamda teris pikir qalyptasady. Din – názik taqyryp. Ony reı­tıng kóterý baǵytynda paı­da­lanbaǵanymyz abzal, – dep pikirin bildirgen ol din taqy­rybyn jazatyn jýrnalıster maqalalaryn jarııa­lamas buryn basqarmaǵa júginse, degen usynysyn jetkizdi. Son­daı-aq, ol osy taqy­rypta qalam terbeıtin jýr­nalısterdiń ká­siptik etıkasy týraly kodeks qa­byldansa, jo­ǵary oqý oryndarynda dinı taqyryptarda qosymsha dárister oqylyp, arnaıy fakýltatıvter ashylsa degen sııaqty birqatar tilegin aıtty. О́zekti másele tóńireginde áńgime órbigen jıynǵa óńirdegi ózge dinniń ókilderi de qatysyp, oı-pikirlerin ortaǵa saldy. – Búginde dinı ekstremızm problemasy ózekti. El bolyp shama-sharqymyzsha oǵan qarsy kúresip jatyrmyz. Esh­bir memleket bul qaýipten saqtan­dyrylmaǵan. Urpaq ósip keledi. Kóbiniń «rýhanı us­tazy» da, tárbıeleıtin «áke-sheshesi» de – teledıdar bolyp tur. Onda kórsetiletini – ylǵı qantógis, satqyndyq. Bala teledıdardan kórgenin isteıdi. Sondyqtan urpaq tárbıesine zııaly qaýym, qalam ıeleri, din ókilderi de belsene aralasýy kerek. О́ıtkeni, balanyń bola­shaǵy – el bolashaǵy, – dedi О́skemen shirkeýiniń din qyz­metshisi Konstantın Dıakov. Azamat QASYM, «Egemen Qazaqstan» О́SKEMEN Sýretti túsirgen Ǵylymbek SÁBITOV