Alık Aıdarbaev QR Investısııalar jáne damý Birinshi vıse-mınıstri bolyp taǵaıyndaldy. Bul týraly QR Investısııalar jáne damý mınıstri Jeńis Qasymbek feısbýktegi paraqshasynda jarııalady.
“Búgin ujymǵa Qazaqstan Respýblıkasy Investısııalar jáne damý Birinshi vıse-mınıstri bolyp taǵaıyndalǵan Alık Aıdarbaevty tanystyrdym. Alık Aıdarbaev memlekettiń mańyzdy salalarynda qyzmet atqaryp kele jatqan asa tájirıbeli tulǵa. Elbasynyń senimine ıe bolǵan myqty uıymdastyrýshy, isker basshy retinde ózin Mańǵystaý oblysynyń ákimi bolyp turǵanda jáne oǵan deıingi qyzmetterinde jan-jaqty kórsetken edi. Endigi rette Alık Serikulyn taǵy da úlken jumystar, jańa mindetter kútip tur. Asa tájirıbeli mamannyń kelýimen mınıstrlik jumysy odan ári jandanyp, Memleket basshysy men Úkimet júktegen mindetterdi oıdaǵydaı atqaramyz degen senimdemin”, dep jazdy mınıstr. Alık Serikuly Aıdarbaev 1963 jyly 19 mamyrda Almaty oblysynda dúnıege kelgen. V.Lenın atyndaǵy Qazaq polıtehnıkalyq ınstıtýtyn bitirgen. Aǵa geolog, keıinnen tehnolog, munaı jáne gaz óndirý sheberi, «Mańǵyshlaqmunaı» О́B, «Jetibaımunaı» MGО́B munaı jáne gaz óndirý sehy bastyǵynyń orynbasary qyzmetterin atqardy. «Torǵaı Petroleým» jáne «Mańǵystaýmunaıgaz» AQ bas dırektory qyzmetterinde boldy. 2011 jyldyń sáýirinen beri – «QazMunaıGaz» Ulttyq kompanııasy» AQ barlaý jáne óndirý jónindegi basqarýshy dırektory. 2011 jyldyń mamyrynda Dırektorlar keńesiniń kezekten tys otyrysynda Dırektorlar keńesiniń tóraǵasy bolyp saılandy. 2011 jyldyń jeltoqsanynda «QazMunaıGaz» Barlaý О́ndirý» aksıonerlik qoǵamynyń bas dırektory, 2013 jyldan 2017 jylǵa deıin Mańǵystaý oblysynyń ákimi boldy. «Qurmet», «Parasat» ordenderimen marapattalǵan.
