Alakólge týrıster ushaqpen qatynaıdy (foto)

Almaty oblysynda Úsharal əýejaıynyń qurylysy qyzý júrip jatyr. Bıylǵy shomylý maýsymynda demalýshylarǵa Alakólge ushaqpen qatynaý múmkindigi týady, dep habarlaıdy QazAqparat. Əýe kemesi úsh baǵyt boıynsha Úsharal-Astana, Astana - Úsharal,  Úsharal-Almaty, Almaty-Úsharal jəne  Úsharal-Taldyqorǵan,Taldyqorǵan-Úsharal  qalalarynan demalýshylardy tasymaldaıdy dep josparlanýda. Əzirge atalǵan baǵyttar boıynsha bılettiń naqty quny belgilenbegen. Biraq, halyqqa qolaıly baǵany bekitý maqsatynda  respýblıkalyq bıýdjetten sýbsıdııa bólingen. "80 mln teńge osy bılettiń qunyn halyqqa qolaıly etý maqsatynda bólinip otyr.  Jalpy 20-25 myń teńge tóńireginde bolady degen boljam bar. Sondaı-aq bıyl Aqshı aýylynda temir vokzalynyń qurylysy bastalady. Joba quny 186 mln teńgeni quraıdy. Qurylys bıyl mamyrda bastalyp, 1 qarashada aıaqtalady.  Byltyr 450 myńnan asa adam kól jaǵalaýyna kelip demalsa, bıyl 700 myńnan astam týrıst keledi dep kútilýde", - dedi Alakól aýdanynyń əkimi Əlibek Jaqanbaev. Qazir Alakól aýdanynda qurylysy júrip jatqan Úsharal əýejaıynyń  50 paıyz jumysy aıaqtaldy. Jobanyń jalpy quny 889 mln teńgeni quraıdy. Bir aýysymda 50 adamǵa qyzmet kórsetý kózdelgen. [caption id="attachment_110347" align="alignnone" width="800"] ?[/caption]