Kosta-Rıkaǵa «Otto» daýyly jaqyndap keledi

Sársenbi kúni keshke Kosta-Rıka prezıdenti Lýıs Gılermo Solıs «Otto» daýylynyń jaǵaǵa jaqyndaýyna baılanysty el aýmaǵynda tótenshe jaǵdaı jarııalady, dep habarlady TASS. Tótenshe qyzmet basshylyǵymen kezdesken soń Solıs baspasóz konferensııasyna qatysyp, jaqyn arada TJ rejımi týraly qaýlyǵa qol qoıýǵa ýáde berdi jáne óziniń Tvıtter paraqshasynda jeke sektor basshylaryna óz qyzmetkerlerin qorǵaýǵa qajetti sharalar júrgizýge jáne beısenbi, juma, demalys kúnderi jumysty ýaqytsha toqtata turýǵa keńes berdi. Budan bólek, prezıdent qaýiptiń «qyzyl» deńgeıin eldegi taǵy birneshe aýdanǵa ulǵaıatynyn habarlady. Osyǵan deıin bılik qutqarý qyzmetterin tolyq daıyndap, jaǵaǵa jaqyn ornalasqan aýdandardan 4 myń adamdy kóshirgen bolatyn. AQSh-tyń daýyldy baqylaý jónindegi ulttyq ortalyǵynyń málimeti boıynsha Karıb teńizindegi «Otto» tropıkalyq daýyly taǵy da birinshi sanatqa deıin kúsheıgen. Joıqyn jel qazirgi ýaqytta Kosto-Rıkanyń soltústik-shyǵys jaǵalaýynan 230 km qashyqtyqta, jyldamdyǵy saǵatyna 33,3 shaqyrymdy quraıdy. Sonymen qatar, tabıǵat apaty Nıkaragýa memleketine de zııanyn tıgizeıin dep tur. Bılik qaýipti aımaqtan 10,5 myń adamdy kóshirý jóninde sheshim qabyldady. Al Panamada daýyldyń saldarynan 150 otbasy zardap shegip, 11 adam iz-túzsiz joǵalyp ketti, sondaı-aq 4 turǵyn opat boldy.