Qostanaı qalalyq meshitinde kemeńger aǵartýshy Ybyraı Altynsarınniń týǵanyna 175 jyl tolýyna oraı shara ótti. Ony meshit oblys ortalyǵyndaǵy Y.Altynsarınniń memorıaldyq murajaıy ǵylymı qyzmetkerlerimen birigip ótkizdi. Oǵan elimizge tanymal ǵalymdar men oblys ortalyǵyndaǵy zııaly qaýym ókilderi, mektep oqýshylary, jastar, jetim balalar shaqyryldy. Aldymen qazaq hylqynyń úsh rýhanı báıtereginiń biri Ybyraıdyń árýaǵyna quran baǵyshtaldy.
«Halqymyzdyń ejelden kele jatqan eń úlken ǵuryptarynyń biri – as berý. Bul uıymshyl eldiń ǵana qolynan keletini belgili. Osyndaı astarda mándi áńgimeler, taǵylymdy sózder aıtylady. Bizdiń negizgi maqsat – Ybyraı babamyzdyń halqyna jasaǵan eńbegi týraly jastarǵa keńinen túsindirý», dedi qalalyq meshittiń ımamy Shoqan qajy Ámirhanov.
Asta Ybyraıdy ǵalymdar Serikbaı Ospanov, Qalqaman Hasenov, Almas Ábsadyqov sóz sóılep, aǵartýshy ómiri men eńbekterinen tanymdyq, taǵylymdyq mysaldar keltirdi. Y.Altynsarın mýzeıiniń uymdastyrýymen aǵartýshynyń qazaq dalasyna mektep ashý úshin kelgen sapary týraly sahnalyq kórinister kórsetildi.
Osy sharanyń ótýine demeýshi bolǵan kásipker qyz «Oń qolyń bergen sadaqany sol qolyń kórmesin» degen ulaǵatty ustanymymen óziniń atyn kórsetpeýdi ótinipti.
Názıra Járimbetova,
"Egemen Qazaqstan".
Qostanaı
