27 qarashada Polsha Respýblıkasynyń Lıýblın qalasynda kıokýshınkaı-kan karate boıynsha jastar arasynda Eýropa Kýbogy ótti. Qazaqstan komandasy 12 medal: 5 altyn, 4 kúmis, 3 qola ıelendi, dep habarlady Shtattyq ulttyq komandalar men sport rezervi dıreksııasynyń baspasóz hatshysy Ardaq Toǵymov.
20-dan astam elden 500 qatysýshy bes tatamıde jarysqa tústi. Qazaqstan quramasy bedeldi jarysqa 10-17 jas aralyǵy sanatynda 20 sportshy quramymen bardy.
Bizdiń quramany eresekterge arnalǵan kıokýshınkaı-kan karate respýblıkalyq ulttyq federasııanyń bas bapkeri Ábjanov Dastan Dýısenbaevıch, Ulttyq federasııanyń jastar boıynsha bas bapkeri Imashev Azamat Bolatuly men Qaraǵandy oblystyq fılıalynyń basshysy Lım Igor Gennadevıch basqaryp bardy.
