Qaraǵandyda bıyl 671 mln teńge aıyppul salyndy

Qaraǵandyda ákimshilik aıyppuldardy óndirip alý deńgeıin kóterýge baǵyttalǵan sharalar kesheni júzege asýda. Jyl basynan beri qalalyq IIB polısııa qyzmetkerleri ákimshilik quqyq buzýshylyqtar úshin 107 myńnan astam adamdy jaýap tartyp, 671 mıllıon teńge aıyppul salǵan. Onyń 286 mıllıon teńgesi óndirip alyndy, dep habarlady Qaraǵandy oblysy IID baspasóz hatshysy. Málim bolǵandaı, óndirip alý paıyzy 42,7% quraıdy. QR ÁQBK 895-babyna sáıkes, 261 mıllıon 466 myń teńgege  22 902 aıyppul tóleýdi májbúrlep oryndatý qaýlysy shyǵaryldy. Onyń 74 mıllıon 882 myń teńgesi 6 023 quqyq buzýshylyq boıynsha óndirildi. Qaraǵandy IIB ákimshilik polısııa bólimi jeke sot oryndaýshylarmen birigip, aıyppuldardy óndirý jumysyn uıymdastyrýda. Oblystyń ákimshilik polısııa qyzmetkerleri kólik quraldaryn toqtatqanda óndirilmegen aıyppuldar boıynsha tekseredi jáne túsindirme jumystaryn júrgizedi. Atalǵan jedel-izdestirý sharasy aıasynda óndirilmegen aıyppuldy eńbekaqydan ustap qalý úshin quqyq buzýshynyń jumys ornyna qaýly jiberiledi. Sondaı-aq, iri avtoturaqtar tekserilip, «Avtoýragan» uıaly kesheni arqyly aıyppuly bar kólik ıelerine habarlama berý jumystary uıymdastyrylady. Qalalyq ákimshilik polısııanyń ýchaskelik ınspektorlaryna aıyppul tóleýdi májbúrlep oryndatý qaýlysy shyǵarylǵan tulǵalardyń tizimi mekenjaıymen qosa beriledi.