Almaty oblysynda qar qursaýynda qalǵan adamdar sany 200-ge jýyqtady, - dep habarlaıdy QazAqparat. Búgin Saryózek-Kóktal jolynyń boıynda 200-ge jýyq adam men 60-tan asa avtokólik qar qursaýynan qutqaryldy. Atalǵan baǵytta áli de jol jabyq. Aýa raıy asa sýyq bolmasa da, uıytqyp soqqan jel qardy boratyp, joldy jaýyp tastap otyr. Arnaıy tehnıka tas joldy tazalap úlgermeı álek.
Tártip saqshylarynyń eskertýine qaramastan halyq jolǵa shyǵyp, Altynemel asýynan óz kúshimizben ótemiz dep qarsylyq bildirýde. Tótenshe jaǵdaı salasynyń ókilderi jolaýshylarǵa jolǵa shyqpaý jóninde eskertý jasaýda. Aldyn ala aýa raıynyń qolaısyzdyǵyna baılanysty uıaly telefondarǵa sms habarlamalaryn joldap jatyr. Sol sebepti turǵyndar aqparatqa qulaq assa deıdi.
