Qaraǵandy ákimi Germanııa, Moldavııa elshilerin qabyldady

Qaraǵandy oblysynyń ákimi Germanııa men Moldavııa elshilerin qabyldady, dep habarlaıdy oblys ákimdiginiń baspasóz qyzmeti. Nurmuhambet Ábdibekov jańadan taǵaıyndalǵan Germanııa Fedarsııalyq Respýblıkasynyń Qazaqstandaǵy tótenshe jáne ókiletti elshisi Rolf Mafaelmen kezdesti. Aımaq basshysy Elshige Qaraǵandy oblysynyń Germanııamen áriptestik qarym-qatynas ornatý baǵytyndaǵy jumystary týraly baıandady. Oblys ákimi jyl basynan beri taýar aınalymy 45 mıllıon dollardy quraǵanyn, onyń kóp bóligi ımport arqyly keletindigin baıandady. Eksporttalatyn taýarlar qatarynda sýtegi, ınertti gazdar bar. - Ekijaqty qarym-qatynastar tájirıbesi Germanııanyń senimdi seriktes ári turaqty ınvestor ekendigin ańǵartady. Biz germandyq ınvestorlardyń bizge jańa tehnologııalar ákelip, bizdiń qazba baılyqtarymyzdy óndirýge atsalysýyna múddelimiz, - dedi Nurmuhambet Ábdibekov. Germanııalyq áriptesterdiń qatysýymen oblysta birqatar óndiris oshaqtary jumys istep tur. Olardyń qatarynda «Saryarqa» arnaıy ekonomıkalyq aımaǵyndaǵy armatýra jáne qaptalǵan trýba shyǵaratyn zaýyt ta bar. О́z kezeginde nemis elshisi Qaraǵandy oblysy Evroodaq elderiniń qyzyǵýshylyǵyn oıatqan ekonomıkalyq aımaq ekendigin atap ótti: - Qaraǵandy oblysynyń ekonomıkalyq potensııaly men bul jerde etnıkalyq nemisterdiń kóp bolýy, bizge áriptestik qarym-qatynas ornatýǵa múmkindik beredi. Oblys ákimi nemis ınvestorlaryn áriptestikke shaqyrdy jáne bilim berý mádenıet salasynda tájirıbe almasýdy usyndy. Aımaq basshysy dál osy usynysty Moldova Respýblıkasynyń Tótenshe jáne ókiletti elshisi Dýmıtrý Bragıshemmen kezdesýinde de aıtty. Oblys aýmaǵynda Moldava Respýblıkasynyń kásipkerleriniń qatysýymen 5 óndiris oshaǵy jumys istep tur. Olar qurylys, aýylsharýashylyǵy, saýda, qaıyra óńdeý jáne jyljymaıtyn múlik naryǵynda tanylǵan. - Investorlarǵa jasalǵan tıimdi jaǵdaılar, shıkizat qorynyń kóp bolýy, bizdiń oblysymyzdyń geografııalyq turǵydan tıimdi ornalasýy – aımaǵymyzǵa ınvestısııa tartý úshin oń jaıdaıdy qalyptastyrdy. Men ekijaqty qarym-qatynas ornatýda jáne áriptestikti damytýda ózindik múde bolatyndyǵyn bilemin. Sizderi bizdiń ekonomıkamyzdyń túrli salasynda birlesip eńbek etýge shaqyramyn, - dedi Qaraǵandy oblysynyń ákimi Moldavııa Respýblıkasynyń elshisine.