Búgin QR Parlament Májilisininde A.Myrzahmetov agrarlyq-ónerkásiptik keshendi (AО́K) damytýdyń 2017-2021 jyldarǵa arnalǵan memlekettik baǵdarlamasyn tanystyrdy, dep habarlady Aýyl sharýashylyǵy mınıstrliginiń baspasóz qyzmeti.
Baǵdarlama jobasy qosalqy sharýashylyqtar men usaq fermerlik qojalyqtardy aýqymdy kooperasııalarǵa biriktirý arqyly óndiristiń ósimi men aýyl turǵyndarynyń joǵary ómir súrý deńgeıin qamtamasyz etýge negizdelgen.
Bul kooperasııalar otandyq agrarlyq-ónerkásiptik keshendi ishki naryqta óziniń tabıǵı jáne qunarly ónimderimen tartymdy etedi.
Baǵdarlamanyń arqasynda sýbsıdııa alýshylar sany qazirgiden jeti esege deıin kóbeıip, KazAgronyń jeńildik aıasy keńeıip, nesıe alatyn orta men kishi kásipkerlikti qoldaý 1,4 esege kóbeıedi.
Aýyl sharýashylyǵy taýar óndirýshileri úshin nesıelik resýrstardyń barlyq túrlerin qamtý josparlanýda. Birinshi kezekte, nesıeler aýyl sharýashylyǵy kooperatıvteri men orta jáne shaǵyn bızneske beriledi.
AQ UBH «KazAgro» arqyly beriletin nesıe mólsherlemesi tómendetilip beriletin bolady. Mysaly, kelesi jyldan bastap kóktemgi sýarý jumystaryna beriletin nesıeniń jyldyq mólsherlemesi 3%-ǵa deıin tómendetilmek (2016 jyly 7,4% berilgen).
«Mal sharýashylyǵy salasyn memlekettik qoldaý maqsatynda sýbsıdııanyń 34 túri júzege asyrylady. Memlekettik baǵdarlama aıasynda sýbsıdııa túrleri jańartylatyn bolady. Mal sharýashylyǵy salasyndaǵy qoldasyntaǵy sýbsıdııanyń tórt túri alynyp tastalynady»,- dedi A.Myrzahmetov.
Bul asyl tuqymdy iri qara maldyń etin ımporttaý baǵyty, asyl tuqymdy buqalardy sútti sıyrlardyń tabynynda ustaý, buqalardy iri mal bordaqylaý alańdarynda ósirý jáne iri jáne shyryndy jem-shópti arzandatý bolyp tabylady.
Sonymen qatar sýbsıdııanyń erejelerin 7 baǵyt boıynsha kóbeıtý kózdelgen. Olar: bastapqy mólsherlemeni tómendetý jáne 8 baǵyt boıynsha krıterılerdi qaıtadan qaraý, sýbsıdııanyń 6 jańa túrin qosý, onyń ishinde 4 óńirlik baǵytyn, AQO 5 baǵytyn qaıtarý, 10 baǵytty ózgerizsiz qaldyrý.
«О́simdik sharýashylyǵyndaǵy sýbsıdııa tıimdiligin arttyrý úshin gektarǵa beriletin sýbsıdııadan óndirilgen ónimge beriletin sýbsıdııaǵa kóshý jáne kóktemgi egin jumystarynda alynatyn basym astyqtardy nesıeleý qarastyrylyp otyr»,- dedi Vıse-Premer.
Askar Myrzametov óz sózinde gektarlyq sýbsıdııadan bas tartýǵa ártaraptandyrýdyń jetkiliksiz bolýy, qurama jem-shóp, maı óńdeıtin zaýyttardyń tómen júktemeligi, ósimdik maıy men qant ımportynyń joǵary mólsheri sebepker bolǵanyn atap ótti.
«Egistikte bıdaıdyń mólsheri joǵary bolǵandyqtan, (ǵylymnyń usynysy boıynsha 45% bolsa, búgingi kúni 57%), satylatyn baǵasyna táýeldi bolyp tur. Maı óńdeýshi zaýyttardyń júktemeligi 550 myń tonnany nemese 45%-dy quraıtyn bolsa, al qurama jem daıyndaıtyn zaýyttar tıisinshe 1,2 mln. tonna nemese 42% qurap otyr. О́simdik maıynyń ımporttaǵy úlesi 160 myń tonna nemese 40%, qanttiki 432 myń tonna nemese 97%»,- deıdi A.Myrzahmetov.
Sondaı-aq, baǵdarlamada kóktemgi egin jumystaryn nesıleý, ónimderdi satyp alyp qurama jem (arpa, júgeri) zaýyttaryn iske qosý, dándi daqyldardy óńdeý isin qarjylandyrý sharalaryna «Azyq-túlik kelisimshart korporasııasy «UK» AQ –nyń áleýetin qoldaný josparlanǵan.
