Shyǵys Qazaqstanda jol tazalaıtyn qosymsha tehnıkalar iske qosylady

Shyǵys Qazaqstan oblysy Abaı aýdanynda jol tazalaıtyn qosymsha tehnıkalar iske qosylyp, jem-shóp tasý jumystary uıymdastyryldy. Joldardy tazalaý úshin úsh K700 traktory jáne shynjyr tabandy tehnıkalar bólindi. Búgin habarlanǵandaı, Abaı aýdany ákiminiń sheshimimen aýdanda aýa raıynyń qolaısyzdyǵy saldarynan tótenshe jaǵdaı jarııalandy. Eń úlken qıyndyqtar mal jaıýǵa baılanysty bolmaq. Qazir qardyń betin qalyń muz japqan. Sol sebepti 2 myńǵa jýyq jylqy ashyqqan. Qarasha aıynyń basynda Saryjal aýyldyq okrýginde aýa raıy qıyndyq týǵyzyp otyr. Qalyńdyǵy jarty metrden astam qar jaýyp, artynan jaýyn-shashyn bolyp, sońy aıaz ben boranǵa ulasty. Qalyń qar, jańbyr, burqasyn jáne aıaz Abaı aýdandyq basshylyǵynyń tótenshe jaǵdaı jarııalaýyna alyp keldi. Turǵyndardy dári-dármek jáne tamaqpen qamtamasyz etý jóninde eshqandaı qıyndyq bolmaǵanmen, jylqylardyń jaıylymy ońaıǵa túspeıin dep tur.