Ǵasyrǵa para-par ǵumyrbaıan

Qazaqstan Respýblıkasy Prezıdentiniń Arhıvi belgili memleket qaıratkeri, Uly Otan soǵysyna qatysýshy, Sosıalıstik Eńbek  Eri, 2017 jyly 100 jyldyǵy atap ótiletin Baıken Áshimovke arnalǵan dóńgelek ústel ótkizdi. Aýyldan shyqqan bala tá­limdi isterdiń bastaýynda júrdi. Baıken Áshimov respýb­lı­kanyń jaýapty basqarýshy laýazymdaryn atqarǵan kezde halyqqa qyzmet etýdiń bıik úlgisin kórsete bildi. 1970–1984 jyldary Qazaq KSR Mınıs­trler Keńesiniń Tóraǵasy boldy. Onyń jemisti jumysy keńestik kezeńniń jáne táýel­siz Qazaqstannyń joǵary mem­lekettik marapattarymen atalyp ótti. Dóńgelek ústelde Baıken Áshi­mov týraly «Rekvıem» atty estelik kitaptyń tusaýkeseri ótti, kitapty jazǵan onymen birge qyzmet etken Nıkolaı Ko­­­lınko – belgili jazýshy, Qazaq­stannyń qurmetti jýrna­lısi. Kitap B.Áshimovpen birge qyzmet atqarǵan Qazaq KSR joǵary partııa basshylarynyń, dostary men týystarynyń este­likterinen, maqalalardan qurastyrylǵan. Dóńgelek ústeldi Qazaqstan Respýblıkasy Prezıdentiniń Arhıvine Baıken Áshimovtiń qujattaryn tapsyrý týraly kelisimshartqa qol qoıý qory­tyndylady. Is-sharaǵa Qazaqstannyń belgili qoǵam qaıratkerleri, jo­­ǵary oqý oryndarynyń stý­dentteri qatysty. Saparbaı PARMANQULOV, «Egemen Qazaqstan» ALMATY