О́zbekstanda prezıdent saılaýda daýys berý aıaqtaldy, - dep habarlaıdy
RIA Novostı. Osylaısha daýys berý aıaqtaldy. Búgin kúndizgi saǵat 11-de eldiń ortalyq saılaý komıssııasy saılaýdy «ótti» dep jarııalaǵan bolatyn. О́ıtkeni, ol kezge deıin 6,89 mıllıon saılaýshy daýys berip úlgergen-di. Bul – jalpy tizimdegi daýys berýshilerdiń 33,73 paıyzy. Konstıtýsııa boıynsha saılaýshylardyń 33%-y daýys berse, saılaý ótken bolyp esepteledi.
О́zbekstandaǵy prezıdent saılaýyna elde bar tórt saıası partııadan kandıdattar qatysty.
Prezıdent mindetin atqarýshy, ári premer-mınıstr Shavkat Mırzıeev О́zbekstannyń Lıberal-demokratııalyq partııasynan saılaýǵa tústi. Ol eldi áskerı-saıası bloktarǵa qospaý jáne TMD memleketterimen qarym-qatynasty damytý saıasatyn ustanatynyn aıtady. Taǵy eki kandıdat – parlamenttiń tómengi palatasynyń vıse-spıkeri Sarvar Otamýradov ("Mıllıı tıklanısh" ulttyq-demokratııalyq partııasynyń atynan shyqqan) jáne Sosıal-demokratııalyq "Adolat" partııasynyń atynan shyqqan Narıman Ýmarov Reseımen odaqtyq baılanys jáne strategııalyq qarym-qatynastardy saqtap, damytýǵa shaqyrady. О́zbekstannyń Halyqtyq-demokratııalyq partııasy kóshbasshysy Hotamjon Ketmonov turǵyndardy jumyspen qamtý jáne turǵyn úı kommýnaldyq sharýashylyǵynda tarıf saıasaty baǵdarlamalaryn júzege asyrýǵa nazar aýdarǵan bolatyn.
О́zbekstannyń 21,4 mıllıon azamaty daýys berý quqyna ıe. Saılaýdy ótkizý úshin 12 saılaý komıssııasy qurylǵan, 9 381 saılaý ýchaskesi ashylǵan, onyń ishinde 44-i О́zbekstannyń 36 eldegi ókildikterinde.
Saılaýdy 80 myńǵa taıaý jergilikti baqylaýshy jáne halyqaralyq 600-deı halyqaralyq baqylaýshy qaraıdy, sonymen qatar, túrli uıymdardyń, TMD, Eýropadaǵy qaýipsizdik jáne yntymaqtastyq uıymy, Shanhaı yntymaqtastyq uıymy, Islam Áriptestik Uıymy, Dúnıejúzilik saılaý organdary qaýymdastyǵy. Saılaý týraly 20 elde 1,3 myń jýrnalıst aqparat taratady.
Aldyn-ala qorytyndy dúısenbi tańerteń belgili bolýy múmkin.
О́zbekstannyń alǵashqy prezıdenti Islam Karımov bıyl qyrkúıekte 78 jasynda qaıtys bolǵan edi.
(Foto RIA Novostı)
