Táýelsizdikke tartý

Keshe Astanadaǵy «Atameken» Qa­zaqstan kartasy» etno-memorı­al­dyq kesheni elimiz Táýelsizdiginiń 20 jyldyǵyna arnalǵan «Táýelsizdiktiń 20 jyldyq shyńy» atty murajaı panoramasynyń saltanatty tusaý­keserin ótkizdi. Oǵan TÚRKSOI ha­lyqaralyq uıymynyń bas dırek­to­ry Dúısen Qaseıinov, T.Júrgenov at­yn­daǵy óner akademııasynyń rek­to­ry Arystan Muhamedıuly, Astana qalasyndaǵy, Esil  aýdanynyń ákimi Qaı­rat Jańabergenov, sondaı-aq ta­­rıh­shy ǵalym Búrkitbaı Aıaǵan qaty­syp, murajaı ákimshiligine osyndaı ıgi sha­rany uıymdastyrǵandary úshin al­ǵys­taryn bildirdi. Sondaı-aq, ujym­dy Táýelsizdiktiń 20 jyldyǵymen tuspa-tus kelgen 10 jyldyq merekelerimen quttyqtady. «Táýelsizdiktiń 20 jyldyq shyńy» atty murajaı panoramasynda kórinister táýelsiz jas memlekettiń paıda bolyp, qalyptasýy men qurylý kezeńderinen qazirgi kezeńge deıingi 20 jyldaǵy ózgerister men jetistikterdi keńinen nasıhattaý jáne qazaq hal­qy­nyń etnostyq mádenıeti jaıly jalpy aý­maqty qamtyǵan. Bul murajaı panoramanyń jobasy T.Júrgenov atyndaǵy óner aka­de­mııa­symen birlese iske asyrylypty. Elordanyń kóz tartar jerleriniń biri – atalǵan etno-memorıaldyq keshen 2001 jyl­dyń qyrkúıek aıynda Elbasy N.Á. Na­zar­baevtyń bastamasymen ashylǵan. Munda ulan-baıtaq elimizdiń dara bolmysy men baǵzy beınesinen, sonymen qatar, jalpy tarıh betterinen tereń syr shertetin hal­qy­myzdyń eń kóne jádigerleri, kórnekti de kıeli oryndary kórinis alǵan. Bul kórinister 1,7 ga aýmaqty alyp jatyr. Astanaǵa arnaıy kelgen jurtshy­lyq­tyń keshendi aralaǵan kezinde ulan-ǵaıyr eldiń kórinisin kóz aldyna sulýlandyra kel­tiretin bul murajaıdan kóńilge túıer dúnıeler mol ekeni aıqyn. Bul turǵyda murajaı qyzmetkerleriniń qyzmeti sizge qa­shanda ázir. Ábdirahman QYDYRBEK. Sýretti túsirgen Muhtar HALDARBEKOV.