Foto: kolesa.kz
Bıyl qańtarda senator Janna Asanova memlekettik mekemelermen qatar jeke zerthanalarǵa da tekseris júrgizýge múmkindik berip, qorytyndysyn resmı moıyndaýdy usynǵan edi. Depýtattyń aıtýynsha, Almatyda mundaı saraptama jasaıtyn nebári eki zerthana bar, olarǵa jetý qıyn jáne kezek kóp. Sonyń saldarynan júrgizýshiler balama tekseristen der kezinde óte almaıdy. Ol zerthanany tańdaý nemese táýelsiz qaıta saraptama jasatý múmkindigi shekteýli bolǵandyqtan, azamattardyń qorǵaný quqyǵy álsireıdi, al bul medısınalyq rásimge degen senimge selkeý túsiredi dep esepteıdi.
Premer-mınıstr Oljas Bektenov depýtattyq saýalǵa bergen jaýabynda el boıynsha 300 medısınalyq tekseris ortalyǵy jumys isteıtinin atap ótti. Tekseris qorytyndysy elektrondyq júıede saqtalady jáne ony ózgertýge jol berilmeıdi. Sybaılas jemqorlyq táýekelderin azaıtý jáne ortalyqtandyrylǵan baqylaýdy qamtamasyz etý úshin nátıje avtomatty túrde prokýratýra men ishki ister organdaryna joldanady.
Úkimet basshysynyń aıtýynsha, jekemenshik zerthanalar qazirgi medısınalyq tekseris júıesine qosylýǵa daıyn emes. Sondyqtan bul máseleni kezeń-kezeńimen qaraý qajet. Ol úshin aqparattyq júıelerdi biryńǵaı elektrondyq bazaǵa biriktirý, ruqsat berý tetigin, akkredıtasııa tártibin jáne zertteý nátıjesin resmı taný qaǵıdalaryn zańnamada naqtylaý kerek.
Almatyda iri jol apaty boldy: Taksı júrgizýshisiniń júregi toqtap qalǵan
Sonymen qatar tekseris ortalyqtarynyń qoljetimdiligin arttyrý kózdelip otyr. Ásirese shalǵaı eldi mekenderdegi mekemelerde arnaıy kabınetter ashý josparlanǵan. Bul júrgizýshilerdi jumys ornynda tekserýge múmkindik beredi.
IIM júrgizýshilerge qoıylatyn «jańa talaptar» týraly qaýesetti joqqa shyǵardy
