Foto: Densaýlyq saqtaý mınıstrligi
Dárigerler úshin ár mınýt qymbat boldy. Naýqastyń ómirine tikeleı qaýip tóngendikten, jansaqtaý bóliminde shuǵyl tekserýler júrgizilip, dereý em sharalary bastaldy. Hırýrgter ishki qan ketýdi toqtatyp, zaqymdanǵan baýyrdy tikti. О́kpeniń qyzmetin qalpyna keltirý úshin plevra qýysyna drenaj qoıyldy. Sonymen qatar jambas súıekterin turaqtandyrý maqsatynda syrtqy bekitý apparaty ornatyldy.
Jedel ári úılesimdi árekettiń nátıjesinde naýqastyń jaǵdaıy turaqtalyp, ómirine tóngen qaýip seıildi. Alaıda aýyr jaraqattar jambas súıekterine kúrdeli rekonstrýksııalyq ota jasaýdy qajet etti.
Ádette mundaı deńgeıdegi operasııalar oblystyq nemese respýblıkalyq klınıkalarda oryndalady. Biraq naýqastyń jaǵdaıy ony basqa jaqqa tasymaldaýǵa múmkindik bermedi. Osyǵan baılanysty travmatologııa ınstıtýtynyń mamandarymen telemedısına arqyly konsılıým ótkizilip, aýdandyq aýrýhana dárigerleri ota jasaýdy ózderi júzege asyrý týraly sheshim qabyldady. Mamandar qashyqtan baqylaý men keńes berip otyrdy.
Aýdan tarıhynda alǵash ret jasalǵan bul kúrdeli operasııaǵa bes dáriger qatysty. Jeti saǵatqa sozylǵan ota barysynda jambas súıekteri qaıta qalpyna keltirildi. Bul úlken tájirıbe men joǵary dáldikti talap etetin asa jaýapty jumys boldy.
Qazir naýqastyń jaǵdaıy turaqty, ortasha aýyr deńgeıde dep baǵalanyp otyr. Eń mańyzdysy – onyń qımyl-qozǵalysy qalpyna kele bastady.
Astanalyq qutqarýshylar kópirden sekirmek bolǵan er adamdy aman alyp qaldy
Bul oqıǵa medısına qyzmetkerleriniń kásibıligin, telemedısına múmkindikteriniń tıimdiligin jáne shalǵaı aýdandarda da joǵary tehnologııalyq medısınalyq kómektiń qoljetimdi ekenin aıqyn kórsetti.
