Túrkııadaǵy Abaı mektebi jańa oqý jylyn bastady

Túbi bir Túrkııa memleketiniń aıtýly qalasy Ystambuldaǵy Abaı mektebinde jańa oqý jyly bas­tal­dy. Bul bilim ordasy 2003 jyly Elbasy Nursultan Nazarbaevtyń qatysýymen ashylǵan bolatyn. Sodan bergi ýaqyt ishinde qazaqtyń da­nyshpan aqyny Abaıdyń ilimi men bilimi baýyrlas el bala­la­rynyń bo­ıyna daryp, oıyna qo­nyp keledi. Bıylǵy jańa oqý jylynyń ashy­­­­lýyna sol memlekettegi Qazaq eliniń elshisi Janseıit Túımebaev qatysyp, oqýshylarǵa sáttilik tiledi. Ol óz sózinde Táýelsizdigimizdiń 20 jyldyǵy bıyl ata-jurtymyzda atalyp ótetinin, oǵan erekshe daı­yn­dyqtyń júrgizilip jatqanyn, bul me­rekege eldiń egemendigin tuń­ǵysh tanyǵan baýyrlastardyń da úlesi bar ekenin jetkizgen. Ol so­nymen qatar, túrik baýyrlardyń 20 oqý­shy­sy kórikti Kókshe óńirindegi, Býrabaı baýraıyndaǵy «Baldaýren» kesheninde dem alǵanyn da na­zarǵa sal­­dy. Bul eki el jastarynyń qazir­den bastap aralasyp otyrýyna ja­sal­ǵan múmkindik ekenin de atap ótken. Jalpy, sońǵy jyldary baýyr­las elmen tek qana ekonomıkalyq qarym-qatynastar jasap qoımaı, tegi bir jurttardyń rýhanı qun­dy­lyqtaryn ózara tanyp-bilý maqsa­tynda da júrgizilip jatqan ataýly jumystar az emes. Súleımen MÁMET.