Almaty oblysynyń əkimshiligi, onyń ishinde oblystyq jastar saıasaty máseleleri basqarmasynyń qoldaýymen jəne «Jədiger jastary» qoǵamdyq birlestiginiń uıymdastyrýymen ótken sóz dodasyna elimizdiń túkpir-túkpirinen aldyńǵy tolqyn aǵalardyń izine erip kele jatqan kilkókmoınaq jas júırikter qatynasty.
Atap aıtar bolsaq, Oraldan Muradym Mırlanov, Atyraý qalasynan О́nerbek Dəýlekenov, Batys Qazaqstan oblysy atynan Talǵat Myqı, Qaraǵandydan Nurmuhammed Baısúgirov, Jambyl oblysynan Əset Dúısebaev, Qyzylorda oblysy atynan Bek Shymat, Aqmola oblysynan Tańjaryq Erjan, Arqalyq qalasynan Toba О́tepbaev, Almaty oblysynan Jalǵas Sadyq, bas shahar Astanadan eń jas aqyn Dıas Tólepbergen baryp jer jánnaty – Jetisýdyń dəstúrin dáriptep, saltyn syılaıtyn óner súıer, óleń súıer qaýymyna kesteli jyr, súbeli sóz saıysyn syılady.
«Qanshama jyldar boıy qalam ustaǵan erdi, qarasha eldi oılandyrǵan rýhanııattyń mańaıyndaǵy məseleler erekshe yqylaspen Elbasynyń tarapynan aıtylǵany rýhymyzdy kókke kóterip, arman-maqsatymyzdy Alataýdyń shyńyna shyǵarǵandaı qyldy. Búgingi aıtysqa parasatty patshamyzdyń «Bolashaqqa baǵdar: rýhanı jańǵyrý» atty mańyzdy maqalasy arqaý bolmaq» dep sóz bastady aıtys tizginin ustaǵan júrgizýshi, «Jədiger jastary» qoǵamdyq birlestiginiń jetekshisi, aqyn Meıirjan Álibekov.
Aıtysty oblys ákiminiń orynbasary Jaqsylyq Omar ashyp, rýhanı jańǵyrýǵa eseli úles qosar jastar jigerin janıtyn jalyndy sóz sóıledi.
Jas aqyndardyń sóz dodasyna Aıtaqyn Bulǵaqov, Balǵynbek Imashev, Serikzat Dúısenǵazy, Aınur Tursynbaeva, Sara Toqtamysova, Jandarbek Bulǵaqov syndy aıtystyń baıaǵy júırikteri qazylyq jasady.
Nátıjede Bas júldeni Muradym Mırlanov (500000 teńge) enshilese, birinshi oryndy Talǵat Myqı (350000), ekinshi oryndy Əset Dúısebaev pen Jalǵas Sadyr (200000 tg) ıelendi. Al, Dıas Tólepbergen, Toba О́tepbaev jáne Bek Shymatqa úshinshi oryn (125000 tg) buıyrdy.
Ularbek NURǴALYMULY,
«Egemen Qazaqstan»
