Halyqaralyq keńestiń kezekti otyrysy ótti

Jıyndy ashqan Joǵarǵy sot tóraǵasy Q.Mámı bıylǵy jyly Joǵarǵy sottyń jalpy otyrysynyń qaýlysyna sáı­­kes Keńestiń quramy 15 ada­m­ǵa jańarǵanyn atap ót­ti. Tóraǵanyń máli­m­deý­­inshe, Keńes quramyna Re­seı memlekettik sot tó­re­ligi ýnıversıteti Qyl­mys­tyq sot isin júrgizý bó­li­mi­niń meńgerýshisi, zań ǵy­lym­darynyń doktory Oksana Kachalova, Anglııa já­ne Ýels (Ulybrıtanııa) jo­ǵar­ǵy sot­ta­rynyń advokaty, «St­ra­­tegııalyq bastamalar or­ta­ly­ǵy» seriktestiginiń se­rik­te­si Kırıll Zenın, Tallınn ok­rýg­tik sotynyń já­ne Eýro­d­jast qa­da­ǵalaýshy soty­nyń sýdıasy Pavel Goncharev qosymsha mú­she bolyp kirgen. 
«Bul Keńes Memleket bas­­shysynyń tapsyrmasyn oryn­daý maqsatynda qu­ryl­dy. Ju­mys isteı bas­ta­­ǵa­ny­na bir jyldan astam ýa­qyt ót­ke­­nine qaramastan Ha­lyq­ara­­lyq keńes ınstıtýt re­tin­de qalyptasty. Onyń qyz­me­ti ha­lyqaralyq praktıka tur­ǵy­­synan sot tóreligin jú­zege asy­rý jumysyna usy­nym­dar men tujyrymdar be­rýi­men ma­ńyzdy», – dedi Q.Mámı.
Quqyq qorǵaýshylardyń aıtýynsha, Keńes músheleriniń bel­sendi qyzmetiniń nátı­je­sinde alǵash ret ınvestısııalyq daý­lardy qaraý boıynsha ádis­te­melik túsindirýler ázir­len­­­gen. Ásirese, ınves­tor­lar­­­dyń qatysýymen bolatyn daý­­lar boıynsha belgili bir usy­­nymdar daıyndaý maq­sa­tyn­da memlekettik organdar ókil­deri men ınvestorlardyń qa­tysýymen kezdesýler ótip, naqty sot isteri boıynsha prosestik zańnama sheńberinde qo­rytyndylar jınaqtalǵan. Sondyqtan bıylǵy jumys josparynda sarapshylardyń usy­nystaryn eskere otyryp, qyl­mystyq jáne azamattyq sot isin júrgizýdiń ózekti má­se­le­leri engizilip otyr.
Jıynda Joǵarǵy sot­tyń Mamandandyrylǵan sot alqasynyń tóraıymy Aıgúl Qydyrbaeva Keńes ju­my­synyń ótken jylǵy nátı­je­le­ri men alǵa qoıylǵan jos­pa­r­lary týraly baıandady. Sonymen qatar, «QazBar» Qa­zaq­standaǵy kommersııalyq zań­ger­ler qaýymdastyǵynyń bas­qarý keńesiniń tóraıymy, Halyqaralyq keńestiń múshesi Aıgúl Kenjebaeva da sot júıesin jańǵyrtýmen qatar, re­formalaý sotta múddelerge ókil­dik etý ınstıtýtyna yq­pal etýi tıistigi jóninde sóz sóıledi.
Oraıy kelgende óz oıyn bil­­dirgen Joǵarǵy sot tó­ra­­ǵasy quqyqtyq mem­le­ket­ter­diń reıtıngi zań ús­tem­digi ındeksi, sonyń ishinde, qylmystyq sot tóreliginiń kór­set­­kishteri boıynsha anyq­ta­la­tyndyǵyna toq­tal­dy.
«О́zderińizge málim, Qazaqstannyń qazirgi tańd­a­ǵy qylmystyq saıasaty izgi­len­dirýge jáne qylmystyq qu­qyq buzýshylyqtardy qylmyssyzdandyrýǵa baǵyttalǵan, so­nyń ishinde shyn mánindegi bas bostandyǵynan aıyrý ja­zasy aıyppul salý jazasy­na aýystyrylýda», – dedi Q.Mámı.
Jıyn sońynda Joǵar­ǵy sot Tóraǵasy Keńes mú­she­leri A.Kenjebaeva men I.Pýdelka, K.Masters pen J.Elýbaevty Halyqaralyq keńes jumysyna belsene qatysyp, qyzmette kórsetken ká­sibı sheberligi úshin jáne res­pýblıkanyń sot júıesiniń damýyna qosqan úlesi úshin Alǵys hattarmen marapattady.

Nurlybek DOSYBAI,
«Egemen Qazaqstan»