Taıaýda atalǵan oqý ornynyń uıymdastyrýymen shaǵyn fýtboldan shetel stýdentteri arasyndaǵy dástúrli «álem chempıonaty» ótken edi. Mine, osy týrnırde qazaq jastarynan quralǵan komanda joǵary deńgeıde óner kórsetip, jarystyń jeńimpazy atandy.
Bıyl bul chempıonatqa 15 memlekettiń jastarynan quralǵan komandalar qatysty. Olardyń qatarynda О́zbekstan, Tájikstan, Vetnam, Kýba, Angola, Saýd Arabııasy, Úndistan, Qytaı, Qazaqstan jáne basqa da elderdiń jastary bolǵan. Aıta ketetin jaıt, áýelde bul chempıonatty 2008 jyly qazaq jastary uıymdastyrǵan eken. Keıin bul týrnır dástúrli túrde óte bastaǵan. Al qazaq jastarynan quralǵan ýnıversıtet komandasy bolsa, jyl saıyn osy jarysta úzdik shyǵap otyrady eken.
Ýnıversıtettiń halyqaralyq yntymaqtastyq basqarmasy bóliminiń jetekshisi, chempıonatty uıymdastyrýshy Solındjon Ýrýnovtyń aıtýynsha, qazaq jastarynyń sportqa degen yntasy zor kórinedi: olar qandaı jarys bolsyn kózderi otsha janyp, qulshyna kirisedi eken. «Bizdiń ýnıversıtettiń qabyrǵasynda osyndaı komanda baryn maqtan etemiz. Ylǵı da jeńispen oralatyn aqjoltaı komanda», – deıdi Solındjon Ýrýnov myrza.
Jalpy, Ýfa memlekettik munaı tehnıkalyq ýnıversıtetiniń qazaq jastarynan quralǵan komandasy basqa da iri jarystarda júlde alyp júrgen ujym eken. Mysaly, olar jaqynda Máskeý qalasynda shaǵyn fýtboldan joǵary oqý oryndary arasynda ótken jarystan jeńimpaz bolyp oralǵan. Komanda kóshbasshylarynyń biri Bısultan Terekbaev surmergen shabýylshy atanyp júrgen jalyndy jas. О́zi Atyraý qalasynyń týmasy, atalǵan ýnıversıtettiń 2-kýrsynda oqıdy. «Bala kezimnen fýtbolǵa áýes edim. Onyń ústine ákem osy sportqa degenge yntamdy baıqap, fýtbol úıirmesine berdi. Mektep bitirgenshe fýtboldy tastamadym. Ýfa ýnıversıtetine aǵamnyń shaqyrtýymen kelgen edim. Komandamyzdaǵy oıynshylar túgeldeı qazaq jigitteri. Bizdi jeńisterge jetkizip júrgen kúsh – birligimiz, uıymshyldyǵymyz. Jalǵyz sportta ǵana emes, oqýda da aldamyz», – deıdi alǵadaı jas.
Japonııa memleketin qazirgi deńgeıge jetkizgen kezinde álemniń ár qıyryna bilim qýyp ketken jastary ekenin tarıhtan bilemiz. Osy turǵydan alǵanda, jat jerde birliginen ajyramaı, bilimin jetildirip, sportta shymyrlanyp júrgen qazaq jastaryna da artylar senim zor.
Erzat Ermaǵambetov,
M. Aqmýlla atyndaǵy Bashqurt memlekettik medagogıkalyq ýnıversıtetiniń magıstranty
Reseı, Ýfa qalasy
