Osy aıdyń sońynda AQSh-ta tıtýldy jekpe-jegimdi ótkizemin. WBC basshylyǵy NABF belbeýi úshin bolatyn kezdesýdi usyndy. Al qarsylasymdy ózderi tańdap beredi. Bul AQSh-taǵy alǵashqy ári birden tıtýldy aıqasym bolmaq. О́z tarapymnan kelisimimdi berdim. WBC jibergen kelisimshartqa qol qoıdym. Endi daıyndalyp júrmin», dedi Álı Ahmedov.
Ol sondaı-aq, jattyǵýlary jaıly da oı bólisti.
«Qazir Almatyda daıyndyǵymdy bastap kettim. 15 maýsymda Las-Vegasta Floıd Meıýezerdiń zalynda negizgi jumysymdy bastaımyn. Ol jaqta eki saprrıng ótkizemin. Bapkerim Saǵatbek Musahnovpen bárin júıeli túrde ótkizip júrmiz. 28 maýsym kúni Mınneapolıske ushamyz, 29 kúni salmaq ólsheımiz, al kelesi kúni jekpe-jegim ótedi», dedi boksshy.
Aıta keteıik, 21 jastaǵy boksshy kásipqoı rıngte ótkizgen alty jekpe-jeginiń bárinde jeńiske jetken. Sońǵy aıqasynda tájirıbeli gambııalyq boksshy Patrık Mendıdi upaı boıynsha jeńdi. Álı Ahmedov jyl sońyna deıin óz salmaǵynda TOP-10 boksshynyń qataryna kirýdi josparlap otyr.
