Is-sharaǵa Densaýlyq saqtaý mınıstri E.Birtanov, Prezıdent Is basqarmasynyń, Is basqarmasyna qarasty Medısınalyq ortalyqtyń basshylyǵy, Qytaıdan kelgen áriptester, ortalyq qyzmetkerleri jáne taǵy basqa azamattar qatysty.
Gúlshara Ábdiqalyqova quttyqtaý sózinde bıyl eki el arasyndaǵy dıplomatııalyq qarym-qatynastardyń ornaǵanyna 25 jyl tolǵanyn atap ótti. Memlekettik hatshy Qazaqstan Respýblıkasynyń Prezıdenti Nursultan Nazarbaev pen Qytaı Halyq Respýblıkasynyń Tóraǵasy Sı Szınpın arasynda jyly ári dostyq qarym-qatynas ornaǵanyna erekshe toqtaldy. Ekijaqty yntymaqtastyqtyń joǵary deńgeıi, senimdi dıalog, áriptestikti nyǵaıtýǵa degen ózara múddelilik sonyń nátıjesi bolyp sanalady.
Memlekettik hatshy Qytaı medısınasy tamyryn tereńnen alatynyn, ol dárigerlerdiń myńdaǵan jyldar boıy jınaqtaǵan tájirıbesine negizdeletinin aıtty.
– Bizdiń azamattar em alýdyń balamaly ádisterine jıi júginetin boldy. Búgin ashylyp otyrǵan Qytaıdyń dástúrli medısına ortalyǵy qazaqstandyqtardyń emdelý múmkindikterin arttyrýǵa septigin tıgizedi. Bul ortalyq halyq densaýlyǵyn saqtaýdyń úzdik resýrstarynyń biri bolatynyna senimim mol, - dedi Memlekettik hatshy Gúlshara Ábdiqalyqova.
