Kompanııa málimetinshe, barlyq jolaýshylar poıyzdarynyń jolserikteri alǵashqy medısınalyq kómek kórsetý boıynsha arnaıy daıarlyqtan ótken, al ár quram medısınalyq qobdıshamen tolyq jabdyqtalǵan. Sondyqtan densaýlyqqa qatysty kútpegen jaǵdaı týyndasa, eń áýeli jolseriktiń kómegine júgingen jón.
25% jáne 33% jeńildik: Zeınetkerler men jastar úshin poıyz bıleti arzandaıdy
Jol ústinde jolaýshy ózin jaısyz sezingen jaǵdaıda aldymen vagon jolserigine dereý habarlaý qajet. Jolserik jolaýshynyń jaǵdaıyn baǵalap, óz quzyreti sheńberinde alǵashqy kómek kórsetedi. Eger qosymsha shara kerek bolsa, ol poıyz bastyǵyn habardar etedi. Poıyz bastyǵy medısınalyq qyzmettermen baılanys ornatyp, jaǵdaıǵa saı sheshim qabyldaıdy.
Shuǵyl jaǵdaı týyndaǵan kezde jedel járdem shaqyrylady. Qajet bolsa, poıyzdy jaqyn stansııada medısına qyzmetkerleri qarsy alady nemese belgilengen tártipke saı jospardan tys toqtaý jasalýy múmkin. Mundaı sheshim jolaýshynyń ómiri men densaýlyǵyn saqtaý maqsatynda qabyldanady.
Ulttyq tasymaldaýshy sozylmaly aýrýy bar jolaýshylarǵa jeke dári-dármekterin ózimen birge alyp júrýdi jáne yqtımal qaýipter týraly jolserikti aldyn ala eskertken durys ekenin atap ótedi. Bul kútpegen jaǵdaıdyń aldyn alyp, kómek kórsetýdi jedeldetedi.
Poıyzdarda tótenshe jaǵdaılar tek densaýlyqtyń nasharlaýymen shektelmeıdi. Poıyz brıgadalarynyń tájirıbesinde túrli oqıǵalar kezdesedi, onyń ishinde sapar barysynda bosaný jaǵdaılary da bar. Sońǵy úsh jylda ulttyq tasymaldaýshy poıyzdarynda jolserikter men poıyz bastyqtarynyń qoldaýymen shamamen 15 sábı dúnıege kelgen.
Poıyzda bosanǵan jolaýshy jolserikke bir jyldan soń alǵysyn bildirdi
Kompanııa jolaýshylardyń qaýipsizdigi men densaýlyǵy árdaıym basty nazarda ekenin aıtady. Osy oraıda jolaýshylardy óz densaýlyǵyna jaýapkershilikpen qarap, qajet kezde qysylmaı kómek suraýǵa shaqyrady.
