Qazaqstandyq delegasııanyń quramy atynan «Ońtústik» AEA BK» AQ basqarmasynyń tóraǵasy - Dıldabaev M., «Ońtústik» AEA BK» AQ basqarma tóraǵasynyń orynbasary - A. Týrsyngalıev, «Shymkent» ÁKK UK» AQ basqarma tóraǵasy A. Aldajarov QHR-na resmı is-saparymen baryp qaıtqan bolatyn.
Osylaısha, taıaý ýaqytta QHR-daǵy «Ońtústik» AEA ókildigi óndiristik qabattyń jańa múmkindikterin keńeıtý, sondaı-aq jalpy elder arasyndaǵy ınvestısııalyq ahýaldy jaqsartýǵa jáne mańyzdy ınvestorlardy tartýǵa baǵyttalǵan ınvestısııalyq, ınnovasııalyq óndiristerdi iske qosý jumystaryn bastaıdy.
Birlesken qyzmetke alǵashqy qadam bolyp jobalyq iske asyrý quny 100 mln. AQSh dollary bolatyn "Sıanıandik toqyma korporasııasy" AQB jip ıiretin fabrıkasyn salý bolatynyn aıta ketken abzal. QHR aýmaǵyndaǵy 11 000 astam adam jumys isteıtin "Sınsın" ("Xinxing") - Sıanıandik toqyma ónerkásiptik parki QHR-daǵy eń iri ónerkásiptik aımaqtardyń biri bolyp tabylady. Jer aýmaǵy boıynsha 10 000 ga quraıdy. Toqyma ónerkásibi salasyndaǵy jobalardy júzege asyryp sondaı-aq óndiristik park retinde basqa da salalarda óz qyzmetin júrgizedi. О́ndiristik aımaqta ónim múmkindikterin iske asyratyn «Zara», «Pierre Cardin», «Massimo Dutti», «Hugo Boss», «Pull&Bear» sııaqty iri brentik korporasııalar jumys isteıdi.
Sondaı-aq, park rezıdentterdiń biri dúnıejúzilik avtoprom parkiniń kóshbasshysy «KIA Motors Corporation» kompanııasy bolyp tabylady.
