Pılottyq joba osyǵan deıin Astanadaǵy Saýran, 7 mekenjaıynda ornalasqan HQKO-da qolǵa alynǵan bolatyn. Endi Almaty qalasynyń turǵyndary men qonaqtary Jandosov kóshesi, 51 mekenjaıynda ornalasqan Áýezov aýdandyq HQKO-da memlekettik qyzmetterdi tańǵy saǵat 8-den tún ortasyna deıin ala alady. Sonymen qatar, basqa HQKO-ǵa baryp, belgili bir qyzmetke qujattaryn tapsyryp, nátıjesin alýǵa úlgermeıtin azamattar ótinish jazyp, ony da osy mekenjaıyndaǵy HQKO-da saǵat 7-den 00.00-ge deıin alýlaryna bolady. Pılottyq joba 31 tamyzǵa deıin jalǵasady. Túngi ýaqytta bul HQKO-ǵa kelýshiler sany artqan jaǵdaıda, Qazaqstannyń basqa óńirlerinde de osyndaı jumys kestesimen HQKO-lardy ashý nusqasy qarastyrylady.
Aıta keteıik, bul Úkimettiń memlekettik qyzmetterdi alýdy jeńildetýge baǵyttalǵan birinshi jobasy emes. Memlekettik korporasııa naýryz aıynda estý jáne sóıleý qabileti tómen klıentterge qyzmet kórsetý úshin onlaın sýrdo aýdarma qyzmetin, daıyn qujattardy úıge jetkizý jańa servısin iske qosty, sondaı-aq naýryz aıynan bastap qazaqstandyqtarǵa memlekettik kórsetilgen qyzmetterdiń nátıjesi týraly sms-habarlama túsip turady.
Baǵashar TURSYNBAILY,
«Egemen Qazaqstan»
