Polısııa alaıaqtyq faktisi boıynsha sotqa deıingi tergeý amaldaryn júrgizgen. Sonymen qatar áýejaı aýmaǵynda shet el azamatyn taksıge otyrǵyzǵan deldaldyń kim ekeni anyqtalyp jatyr.
«Taksı júrgizýshisi tergeý barysynda shet el azamatyn turaqqa ákelip kólikke otyrǵyzǵan adam 3000 teńge tólegenin aıtty. Ol adam meımanmen birge Q.Sátpaev kóshesindegi qonaq úıge de birge kelgen. Shet eldiktiń aıtýynsha, ony taksı turaǵyna ákelgen adam 16 000 teńge suraǵan. Qonaq úıge ornalasqan soń ondaǵy qyzmetkerler áýejaıdan qonaq úıge deıin ári ketse 4000 bolatynyn aıtqan soń nemis polısııaǵa habarlasqan», — dep habarlaıdy qalalyq polısııanyń baspasóz qyzmeti.
Qazir máseleniń mán jaıyn anyqtaý sharalary júrip jatyr. Buǵan deıin de qoǵamdyq rezonans týdyrǵan osyndaı jaısyz jaǵdaı bolǵan. Ol kezde taksıst Vengrııa azamatyn ýaǵdaly jerge jetkizip tastaǵany úshin 40 myń teńge alǵan. Keıin júrgizýshi aqshany qaıtaryp berdi.
