«Kórmeni ótkizý kezinde kelýshiler sany kóp bolatyn 17 kún anyqtaldy. Bul aýqymdy mádenı buqaralyq sharalar ótetin kúnder, dálirek aıtsaq, Eýrazııalyq medıa forým, Dımash Qudaıbergenniń konserti, TMD elderiniń eń úzdik komandalarynyń qatysýymen KVN oıyndary. Árıne, osy kúnderi týrıster legi kóp bolatyny sózsiz», - dedi «Astana Konvensh Bıýro» JShS dırektorynyń orynbasary Asqar Adambekov. Ol sondaı-aq Astanada EKSPO-nyń ashylǵanyna az bolǵanymen, týrıster legi turaqty ekenin atap ótti. «Qaı elderden ekenin naqty aıta almaımyn. Bul shekara qyzmetine qoıylatyn suraq. Belgilisi, bes kún ishinde 10 myńnan astam týrıst keldi. Al sońǵy eki kúndegi naqty sandy aıtsam - 5670 týrıst. Bul 180 qonaqúıden alynǵan málimet. Degenmen, qonaqúıler men hostelderde bos oryndar jetkilikti. EKSPO kórmesi endi bastaldy, sol sebepten, aldaǵy ýaqytta týrıster legin kútemiz», - dedi ol.
A.Adambekovtiń aıtýynsha, qazirgi tańda elordada 197 qonaqúı men 91 hostel bar. Sonymen qatar, EKSPO-2017 kórmesiniń qonaqtaryn ornalastyratyn 18 jataqhana qarastyrylǵan. Olardyń táýliktik baǵasy eki myńnan bes myń teńgege deıin. Jataqhana oryndaryn brondaý úshin 8 (717 2) 277-815 nemese 8 777 772 05 06 uıaly baılanys nómirlerine habarlasýǵa bolady. Budan bólek, EKSPO meımandaryna elordanyń ár aýdandarynan 10 myń qolaıly páter daıyndaldy.
