Kıno týyndylary arasynda ərtúrli janrlarda túsirilgen halyqaralyq júldelerge ıe bolǵan týyndylar bar Atap aı̆tqanda, 1987 jylǵy «Oskar» syı̆lyǵynyń úzdik sheteldik fılm atalymyna úmitker - "Derevenka moıa sentralnaıa" fılmi (Chehııa), Eýropa kınoakademııasynyń júldegeri, 10 "Goı̆ıa" syı̆lyǵynyń ıegeri - "Mınıatıýrnyı̆ ostrov" (Ispanııa) fılmi, Rýmynııa kınematografıster odaǵy syı̆lyǵynyń ıegeri - "Obezglavlennyı̆ petýh" fılmderi bar. 14 maýsym kúni festıval ashylýynda kórermenderge Fınlıandııa, Estonııa men Germanııa birigip túsirgen "Fehtovalshık" fılmi kórsetiledi. 2015 jyly atalmysh fılm «Altyn globýs» syı̆lyǵynyń shetel tilindegi úzdik fılm atalymyna usynyldy, al 2016 jyly Fınlıandııanyń ulttyq «Iýssı» kınojúldesiniń 2015 jylǵy úzdik fılmi atalymynda jeńimpaz bolǵan.
Sharanyń ashylý saltanatyna Qazaqstandaǵy Eýropalyq Odaq ókildiginiń basshysy, Elshi Traıan Hrıstea, Fınlıandııanyń Qazaqstandaǵy Elshisi Ilkka Reı̆sanen jəne Estonııanyń Ýaqytsha senimdi ókili Pıter Mıller qatysady. «Bizdiń jyl saı̆yn uı̆ymdastyrylatyn eýropalyq kınofestıvalderimiz - Eýroodaqtyń «birlik - sanalýandylyqta» uranynyń kórinisi. Festıval baǵdarlamasynda ərtúrli janrdaǵy fılmder usynylǵan - kókeı̆testi, ómirdegi eń mańyzdy məselelerdi qozǵaı̆tyn, əri, eń bastysy, qyzyqty týyndylar. Eýropalyq kıno ondaǵy əserli, ózindik erekshelikterge toly oqıǵa jelisimen jəne baıandalatyn oqıǵalardyń ózektiligimen ózgeshe. Kınofestıval, ıgi dəstúrge aı̆nala otyryp, Qazaqstandaǵy Eýropa kúnin atap ótý sharasynyń keremet aıaqtalýyna muryndyq bolatynyna, sonymen birge, eýropalyq bolmys əlemine saıahattaýǵa múmkindik beretinine senimdimin», - dep atap ótti Elshi Traıan Hrıstea.
Festıvaldiń qorytyndy kúni, 16 maýsymda, qazaqstandyq rejısser Katerına Sývorovanyń "Zavtra more" fılminiń kórsetilimi, sondaı̆-aq, rejısserdiń kórermendermen kezdesýi ótedi. "Zavtra more" derekti fılmi burynǵy Aral teńizi jaǵalaýy turǵyndarynyń ómiri týraly baıandaı̆dy. Fılm Robert Bosh atyndaǵy nemis qory taǵaı̆yndaı̆tyn grant júldegeri bolyp tabylady. Fılmniń tusaýkeseri 2016 jyly tamyzda Lokarno kınofestıvalinde ótken bolatyn. Fılmder orys tilindegi sýbtıtrlermen birge túpnusqa tilinde kórsetiledi. Kirý tegin.
