Qazaqstan-BUU: Damýdyń jańa kezeńinde

Memlekettik hatshy aldymen EKSPO kórmesi qala­shy­ǵynda Birikken Ulttar Uıymy pavılonynyń tabysty ashylýymen quttyqtady. Gúlshara Ábdiqalyqovanyń aıtýynsha, qorshaǵan ortany qorǵaý, gen­derlik teńdik, balalar quqyq­tary, jasyl tehnologııa, energe­tıka jáne memlekettik qyzmet sala­laryndaǵy birlesken jo­ba­­lardyń qarqyndy júzege asy­ry­lyp jatqandyǵy Qazaq­stan men BUU arasynda jarasym­dy baılanys ornyqqanyn aı­ǵaqtaıdy.
– EKSPO kórmesiniń «Bola­shaq­tyń energııasy» taqyryby Birikken Ulttar Uıymynyń tu­raqty damý maqsattarymen úndes. BUU ókilderine elimizdiń jasyl tehnologııalarǵa qatysty basta­ma­laryna qoldaý bildirge­nine rızashylyǵymyzdy bil­di­remiz. EKSPO-2017 kórme­sine belsendi qatysyp, serpin­di jobalaryńyzdy alyp kel­gen­derińiz – sonyń jarqyn kórinisi. Qazirgi tańda Qazaqstanda ornyqty damý boıynsha aýqymdy jumystar júrgizilip jatyr. Mysaly, Azııa bank usynysymen turaqty damý sheńberindegi maqsat-mindetterdi júzege asyrý úshin Úkimet janyndaǵy jumys tobyn qurýdy qolǵa aldyq. Onyń quramyna otandyq sarapshylarmen qatar, halyqaralyq sarapshylardy da tartyp otyrmyz, – dedi ol.
О́zara yntymaqtastyq deń­geıin joǵary baǵalaǵan Mem­le­kettik hatshy Qazaqstan men BUU arasyndaǵy baılanys jańa kezeńge qadam basqanyn atap ótti. Endigi kezekte ózara qarym-qatynasty basqa salalarda da damytý kózdelýde. Atap aıtqanda, Almatyda BUU-nyń kóp salaly dıplomatııalyq habyn qurý máselesi qarastyrylyp jatyr. Sondaı-aq, gýmanıtarlyq kómek kórsetý, tabıǵı apattardyń aldyn alý jóninde bastamalar bar. «Osyndaı mańyzdy jobalardy júzege asyrý úshin birlese jumys isteýge árqashan daıynbyz. Qazaqstanda otbasylyq jáne genderlik saıasat jónindegi arnaıy tujyrymdama bekitilip, eki jylǵa jospar ázirlendi. Qujattaǵy mindetterdi júzege asyrýǵa baǵyttalǵan BUU-men birlesken baǵdarlama úsh jylǵa jobalanǵan. Bul josparlar da sátimen iske asyrylatynyna kúmán joq», dedi Gúlshara Áb­di­qalyqova.
Al BUU-nyń Eýropa men TMD elderi boıynsha Da­mý baǵdarlamasy óńirlik bıýro­sy­nyń dırektory Jıhan Sultan­oǵly óz kezeginde Qazaqstannyń jasyl tehnologııany damytý, qorshaǵan ortany qorǵaý jáne basqa da kóptegen ıgi basta­malaryn qoldaýǵa daıyn ekenin jetkizdi. Onyń aıtýynsha, Astanada ótip jatqan EKSPO halyqaralyq mamandandyrylǵan kórmesi − Qazaqstanǵa qaıtalama energetıka salasynda sony jetis­tikterge jetýdiń jáne táji­rıbe almasýdyń úlken múm­kindigi. «Jasyl tehnologııa – mańyzdy sala. Biz ári ar­zan, ári qorshaǵan ortaǵa zııa­nyn tıgizbeıtin balamaly ener­gııa kózderinsiz ornyqty ekonomıkalyq damýdy elestete almaımyz. Bul jerde energııa eshqandaı qospasyz taza bolý kerek. Onsyz aınalamyzdaǵy tabıǵatty qorǵaı almaımyz. Sondyqtan, EKSPO alańynda talqylanyp jatqan taqyryp – álemdik deńgeıdegi ózekti máse­le. Qazaqstannyń tańdaǵan joly BUU-nyń ornyqty damý maq­sattarymen sáıkes keledi», dedi ol.
Qazaqstannyń Memlekettik hatshysy kezdesý sońynda  Jı­han Sultanoǵlyny bıyl­ǵy jyldyń 31 tamyzy men 1 qyrkúıegi aralyǵynda EKSPO-2017 halyqaralyq kórme­si aıasynda ótetin «Áıelder bola­shaq­tyń energııasy úshin» halyq­aralyq forýmyna sha­qyrdy.

Qymbat Toqtamurat, 
«Egemen Qazaqstan»