Sharaǵa qatysqan aımaq basshysy úlken ómirge aıaq basyp otyrǵan túlekterge aq jol tiledi:
"11 jyl boıy aıanbaı etilgen eńbektiń, ustazdar men ata-analardyń tárbıesiniń arqasynda júzden júırik, myńnan tulpar atandyńyzdar. Búgin sizderdi úlken ómir jolyna shyǵaryp salǵaly otyrmyz. Aq jol tileımin! Elbasynyń Joldaýynda, strategııalyq qujattarda kórsetilgen Qazaqstannyń damý baǵytyna úles qosatyn jas urpaq -sizdersizder", – dedi Nurlan Noǵaev.
Oblys əkimi bilim berý jolynda ter tógip kele jatqan ustazdar men ata-analardyń eńbegin tilge tıek etip, alǵys aıtty.
Bıyl óńirde 4516 oqýshy mektep bitirdi. Atyraý oblysy ákimi baspasóz qyzmetiniń habarlaýynsha, oqýshylardyń alańsyz bilim alýy úshin oblysta 817 ınertaktıvtik taqta, 111 mýltımedıalyq kabınet, 89 ınformatıka kabıneti alynyp jatyr. Buǵan jergilik bıýdjetten 1 mılııard teńgeden astam qarajat bólingen. Sonymen qatar, bıyl aımaqta 14 mektep pen 11 balabaqshanyń qurylysy bastalǵan.
Baqytgúl Babash,
"Egemen Qazaqstan".
Atyraý.
