Sharshy metri bar bolǵany 65 teńge turatyn páterlerdiń 38-i medısına qyzmetkerlerine, qalǵany kezekte turǵan jas otbasylarǵa arnalǵan. Saltanatty sharaǵa qatysqan oblys ákimi Danıal Ahmetov aq halatty abzal jandardy merekelerimen quttyqtap, birneshe jas dárigerge baspana kiltin óz qolymen tabys etti.
" Memleketimizdiń eń basty baılyǵy - ult saýlyǵy. Sizder kez kelgen adam úshin qymbat qazyna sanalatyn densaýlyqty qorǵaý, saqtaý jolynda aıanbaı ter tógip kelesizder. Jumystaryńyzǵa tabys, otbasylaryńyzǵa baq-bereke tileımin", - degen aımaq basshysy jyl sońyna deıin medısına qyzmetkerleri úshin taǵy da 90 páterlik baspana salynatynyn jetkizdi.
Baspana alyp, bórkin aspanǵa atyp qýanǵan jas mamandar da qýanyshtaryn jasyra almady. "Men 2016 jyly Semeı memlekettik medısına ýnıversıtetin bitirdim. Qazir О́skemendegi N 1 qalalyq aýrýhananyń ınsýlt ortalyǵynda jumys isteımin. Búgin mine ózimniń áriptesterimmen birge qonystoıymyzdy toılap jatqan jaıymyz bar. Jas mamandarǵa qoldaý kórsetip, memlekettik baǵdarlama qabyldaǵan Elbasymyzǵa erekshe alǵysymyzdy bildiremiz", - dedi Merhat Nursultanov.
Azamat QASYM,
"Egemen Qazaqstan"
О́SKEMEN
Sýretti túsirgen avtor
