Jetisý óńirinde densaýlyq salasy qyzmetkerleriniń jalpy sany – 19 myńnan asady. 600 medısınalyq mekeme jumys istep tur. Oblys ákimi Amandyq Batalovtyń aıtýynsha, sońǵy bes jylda densaýlyq saqtaý salasyna bólingen qarjy kólemi 59 paıyzǵa ósti.
О́ńir basshysy sala mamandarynyń alańsyz jumys isteýine jaǵdaı jasaý negizgi mindetterdiń biri ekenin aıtty.
Sońǵy jyldary tek memlekettik bıýdjet emes, memlekettik-jekemenshik áriptestik arqyly medısına salasyn damytýdy qolǵa alyp jatyrmyz. Basqa salalarda jeke kásipkerler men ınvestorlardyń úlesi az emes, biraq, medısına salasyna ınvestor tartý jaǵy qarastyrylmaǵan bolatyn. Aldaǵy ýaqytta osy baǵyt boıynsha 7 jobany iske asyrýdy josparlap otyrmyz, dedi A.Batalov.
Jıyn úzdik mamandardy marapattaý rásimimen jalǵasty. «Úzdik dárigerlik ambýlatorııa», «Úzdik aýyldyq aýrýhana», «Úzdik aýdandyq ortalyq aýrýhana» sııaqty 6 nomınasııa boıynsha jeńimpazdarǵa qarjylaı syılyqtar tabys etildi. Al, «Almaty oblysynyń úzdik dárigeri» atanǵan Aıdyn Elikbaev pen «Úzdik aýyl dárigeri» ataǵyn ıelengen Áskerbek Oralbaev úılerine kólik minip qaıtty. «Lada Granta» avtokóliginiń kilti saltanatty túrde tabys etildi.
Almas NÚSIP,
«Egemen Qazaqstan»
Almaty oblysy
Sýretti túsirgen
Jumabaı MUSABEKOV
