«Makroekonomıkalyq turaqtylyqty jáne memleket qarjysynyń teńgerimdiligin qamtamasyz etý úshin 2016 jyly bıýdjet saıasaty birqatar shekteýlerdiń negizinde qalyptasty. Osynyń biri - bıýdjet tapshylyǵynyń kólemin baqylaý. Bıýdjet tapshylyǵynyń mólsheri jospardaǵy kórsetkishten 161,5 mlrd. teńgege tómendep, 741 mlrd. teńgeni qurady. Eki palatanyń jumys toptarynda asa nazar aýdyrylyp talqylanǵan másele - memlekettik jáne kvazımemlekettik boryshtyń ósýi. Aldaǵy ýaqytta bıýdjet tapshylyǵyn tek ishki resýrstardyń esebinen qarjylandyrýdy josparlaýdamyz. Holdıngter men ulttyq kompanııalardyń syrttan qaryz alý operasııalary Úkimetpen kelisiletin bolady. Boryshtyq júktemeniń qaýipsiz deńgeıde bolýy árqashan qatań baqylaýda bolady»,-dedi mınıstr.
Somen qatar, B. Sultanov bıýdjettiń oryndalýyna qatysty Esepti qaraý kezinde depýtattar usynystarynyń mańyzy zor ekendigin jetkizdi.
«Osy jerde qozǵalǵan júıeli máseleler bizge salyqtyq ákimshilendirýdegi, bıýdjet prosesterindegi kemshilikterdi jetildirýge kómek bolady»,-dedi Qarjy mınıstri depýtattarǵa qaratyp aıtqan sózinde.
