«Qazposhta» AQ baspasóz ortalyǵynyń habarlaýynsha, bereshek tóleýge jáne elimizden tysqary shyǵýǵa shekteýdi alyp tastaýǵa múmkindik beretin Qazposhta termınaldary búgin Astana, Almaty, Shymkent jáne Qaraǵandy qalalary áýejaılarynda jumys bastady. Taıaý arada mundaı termınal Aqtaý qalasynyń áýejaıynda iske qosylmaq.
Mamyr aıynda Ádilet mınıstrligimen birigip, Qazposhta óz bólimshelerinde onlaın rejımde bereshek tóleýge jáne elimizden shyǵýǵa tyıym salýdy alyp tastaýǵa múmkindikti iske qosty. Maýsym aıynda bereshekterdi tekserý jáne tólem kartochkasy arqyly tóleý úshin táýlik boıǵy qol jetimdilikti qamtamasyz etý úshin www.post.kz-te fýnksıonal iske qosyldy jáne mobıldi qosymsha arqyly. Búgin Almaty, Shymkent men Qaraǵandy halyqaralyq ushý aımaǵynda jáne Astana áýejaıynda bereshekterdi tekserý men tóleýge bolatyn Qazposhta termınaldary ornatyldy. 15 mınýt ishinde bereshekterdi tóleý jónindegi aqparat derekter bazasyna beriledi, 30 mınýt ishinde sot oryndaýshysynyń qatysýynsyz elden tysqary shyǵýǵa shekteý alynyp tastalady.
О́z JSN-di engize otyryp, bereshegińizdiń bar ekenin teksere alasyz jáne termınal arqyly ony tóleı alasyz. Tólem týraly aqparat onlaın rejımde «elektrondyq úkimettiń» tólemdik shlıýzi arqyly bereshekterdi aldaǵy ýaqytta esepten shyǵarý, shekteýdi alyp tastaý jáne bizdiń azamattarymyzdyń esh kedergisiz shetelge shyǵýy úshin QR atqarýshylyq óndiris organdarynyń aqpparattyq júıesine (QR ÁM AО́O AAJ) joldanady.
Termınal arqyly jeke, zańdy tulǵalardyń paıdasyna jáne memlekettiń kirisine (aıyppuldar, memlekettik baj salyǵy, ósim jáne t.b.) óndirip alý boıynsha bereshekterdi tóleýge bolady.
Termınal arqyly merzimdi óndirip alý boıynsha bereshekterdi, sondaı-aq múliktik emes sıpattaǵy atqarýshylyq qujattardyń talaptaryn (májbúrleý, mindetteý, úıge kirgizý, úıden shyǵarý) tóleýge ruqsat etilmeıdi.
Eskerte ketý kerek, Qazposhta termınaldary jáne bólimshesi arqyly tóleý kezinde elden shyǵýǵa tyıymdy avtomatty túrde alyp tastaý tek 2015 jylǵy 1 shildeden keıingi tyıymdarǵa qoldanylady. 2015 jylǵy 1 shildege deıingi qoıylǵan tyıymdar boıynsha shekteýlerdi alyp tastaý burynǵy qoldanystaǵy tártip boıynsha, sot oryndaýshysyna tólem týraly rastaýshy qujatty usyný jolymen júzege asyrylady.
Elden shyǵýǵa tyıym salý aıyppuldy tólegen soń, 30 mınýt ishinde avtomatty túrde alynyp tastalady. QR zańnama talaptaryna sáıkes, termınal arqyly bereshekterdi tóleýdiń maksımaldy somasyn 2 000 000 teńgege deıin shekteý belgilengen, termınal arqyly tóleýge tarıf bereshek somasynan 1%-dy quraıdy, biraq árbir tólem úshin 100 teńgeden kem emes.
Eger bereshek somasy 2 000 000 teńgege teń nemese odan asatyn bolsa, klıent Qazposhtanyń belgilengen tarıfterine sáıkes, kez kelgen Qazposhta bólimshesinde tólem jasaı alady.
Eske sala keteıik, boryshkerlerdiń elden shyǵýyna tyıym salýǵa 2012 jyldyń aqpan aıynda Bas prokýratýra bastamashylyq etken bolatyn. Olar sot sheshimi boıynsha ákimshilik aıyppuldardy tóleýden jaltaryp júrgen Qazaqstan azamattarynyń shetelge shyǵýyna shekteý qoıýdy usynǵan edi.
QR-nan tysqary jerlerge shyǵýǵa ýaqytsha tyıym salý týraly aqparatpen www.adilet.gov.kz QR Ádilet mınıstrligi saıtyna, «Qazaqstan Respýblıkasy sheginen shyǵýy ýaqytsha shektelgen tulǵalardyń tizimi» bólimine, sondaı-aq Qazposhta post.kz portaly men termınaldaryna óz JSN terý arqyly tanysýǵa bolady.
