Naryqtaǵy tómen baǵa – qoljetimdi baspana

Bul qurylystyń alǵashqy kezegi «Nurly jer» baǵdarlamasynyń qanatqaqty jobasy aıasynda boı kóterip keledi. Atalǵan aý­qymda jalpy sany 2529 otbasy qonys toılaryn toılamaq. Qu­ry­lystyń alǵashqy kezegi boıyn­sha belgilengen jıyrma úı aldy­myzdaǵy tamyz-qyrkúıek aı­larynda tapsyrylady dep kúti­lýde. Al onyń ekinshi kezeginde 194 az qabatty turǵyn úı salyn­baq.
«Nurly jer» baǵdarlamasy aıa­synda júrgizilip jatqan jeke turǵyn úı qurylysyna jer­gilikti qurylys mate­rıal­dary qoldanylady. Bul óz keze­­ginde qury­lystyń ózindik kuny­nyń arzan bolýyna septigin tıgizedi. Ári óńirde qurylys ındýs­trııasynyń buryn-sońdy bol­ma­ǵan keń deńgeıde damýyna alǵy­­shart qalaıdy. Osy arqyly qu­ry­lys materıaldaryn shyǵara­tyn menshik nysandaryn júz paıyz júktememen qamtýǵa jol ashy­lady. «Nurly jer» baǵdar­lamasynyń el-jurtqa tıgizetin bas­ty shapaǵatynyń biri – jer telimderin alý úshin kezekke tur­ǵan azamattardyń kezegin qysqar­týǵa múmkindik beredi. Búgingi kúni oblys ortalyǵynda 111 myń 570 adam jer telimi kezegin­de turǵanyn eskersek – bul má­sele­niń qanshalyqty kúrdeli, qansha­lyqty ózekti jáne qan­shalyqty kókeıkesti ekendigin baıyptaý asa qıynǵa túspeıdi.
Bir sózben aıtqanda, «Nurly jer» baǵdarlamasy aıasynda baspanaly bolǵandar «Bir oqpen eki qoıandy atady», ıaǵnı olar jer telimine de, turǵyn úı kiltine de bir mezgilde qatar ıe bola alady. Sirá, mundaı múmkindik egemen elimizdiń arǵy-bergi tarıhynda buryn-sońdy bolyp kórmegen shyǵar. Mine, «Nurly jer­diń» shapaǵaty! Álginde aıtyp ótkenimdeı jer telimi keze­ginde turǵandar sany az emes. Ony tek az qabatty turǵyn úı turǵyzý arqyly azaıtý esh múm­­kin emes. Sondyqtan da, óńir­de osy túıindi de túıtkildi máse­leni ońtaıly sheshýdiń ózge de jol­dary qarastyrylýda. Aıta­lyq, jer kezegine 2006 jyly tur­ǵan turǵyndardyń biraz bóligi «Nur­ly jer» baǵdarlamasy bo­ıynsha turǵyn úı alýǵa ótinish berip otyr. Olardyń qujattary – «Turǵyn úı qurylys jı­naq bankine» joldandy. Bıyl ob­lys ortalyǵynyń ınje­ner­lik-kommýnıkasııalyq ınfra­qu­rylymyn damytý baǵdar­lamasy boıynsha 36 jobany júz­­ge asyrý belgilengen. Osy jo­ba­lardyń birqatary jeke tur­ǵyn úı qurylysy máselelerine ba­ǵyt­talǵan. Qazirgi kezde osy ba­ǵyt­taǵy ýchaskelerge ınje­nerlik jeliler júrgizý isi bas­tal­dy. Onyń bári «Nurly jer» baǵ­darlamasy boıynsha boı kó­termek. Búgingi kúni Aqtóbe qa­lasynda «Nurly jer» sheń­berinde turǵyn úı salýshylardy yn­talandyrý sharalary qolǵa alyndy. Bul baǵyt boıynsha «Tur­ǵyn úı qurylys jınaq banki» AQ oblystyq fılıaly, «Sber­bank» jáne «Sollers» JShS arasynda tıisti kelisimge qol qoıyldy. Munyń ózi respýblıka oblystary arasynda júzege asqan tuńǵysh yntymaqtastyq týraly kelisim ekenin aıtqan jón. Oblysta sońǵy bes aıda «Nurly jer» baǵdarlamasy boıynsha 204 myń sharshy metr turǵyn úıdi paıdalanýǵa berý kestesi buzylǵan joq. «Turǵyn úı qurylys jınaq banki» AQ-nyń Aqtóbe oblystyq fılıalynyń dırektory Baýyrjan Jýasbaev salymshylar óz páterlerine qoljetimdi nesıe arqyly ıe bola alatynyn málimdep otyr. Búgingi kezde oblysta «Nurly jer» baǵ­darlamasy aıasynda boı kó­terip jatqan nesıelik turǵyn úı qurylystary qarqyndy júrgi­zilýde.

Serik TО́LENBERGENOV, 
Aqtóbe oblystyq qurylys, sáýlet jáne qala qurylysy basqarmasynyń basshysy