Búginde turǵyn úı-kommýnaldyq sharýashylyq salasyndaǵy 2026 jylǵa arnalǵan ınvestısııalardyń jalpy kólemi 1,2 trln teńgeni quraıdy: 634 mlrd teńge – Ulttyq joba mehanızmi boıynsha, 542 mlrd teńge tarıf belgileý mehanızmi boıynsha qoldanystaǵy ınvestısııalyq baǵdarlamalar aıasynda.
EKSJ elektrondyq platformasy arqyly konkýrstyq rásimderdi ótkizýge daıyn 482 mlrd teńge somasyna 206 joba ótedi. Onyń ishinde 168 jobaǵa qatysty qazirdiń ózinde belsendi jumystar júrgizilip jatyr.
Infraqurylymnyń tozýyn tómendetý jónindegi jospardyń 100% oryndalǵanyna qaramastan, birqatar óńirlerde 2026 jylǵa arnalǵan Ulttyq jobany iske asyrýdyń bekitilgen kestesinen aıtarlyqtaı qalys qalý baıqalady. Jylýmen jabdyqtaý salasynda Mańǵystaý, Soltústik Qazaqstan, Shyǵys Qazaqstan, Jambyl, Almaty, Abaı oblystary, elektrmen jabdyqtaý salasynda Abaı, Soltústik Qazaqstan, Qyzylorda, Qaraǵandy, Pavlodar, Batys Qazaqstan oblystary, sýmen jabdyqtaý salasynda Batys Qazaqstan, Qyzylorda, Pavlodar oblystary, Astana, Almaty, Shymkent qalalary, sý burý salasynda: Batys Qazaqstan, Mańǵystaý, Aqmola, Soltústik Qazaqstan, Abaı oblystary, Astana qalasy qalys qalyp keledi. Sondaı-aq kelesi jylǵa ótinimder berý barysynda da óńirlerdiń tómen belsendiligi baıqalady.
Vıse-premer 2027 jylǵa qaraı ákimdikter turǵyn úı-kommýnaldyq sharýashylyq salasyndaǵy «qyzyl aımaq» máselesin tolyǵymen joıýǵa tıis ekenin atap ótti. Sáýir aıynyń sońyna deıin barlyq jobalar boıynsha EKSJ platformasyna, birinshi kezekte «qyzyl aımaqtaǵy» kásiporyndarǵa qatysty ótinimder berýdi qamtamasyz etý tapsyryldy. Merzimder buzylǵan, sapasyz oryndalǵan jaǵdaıda derbes jaýapkershilik sharalary qabyldanady.
Otyrys barysynda qarjylandyrý máseleleri de qaraldy. Ulttyq joba aıasynda «Báıterek» holdıngi 1500-den astam ótinimdi pysyqtady, olardyń ishinen ekinshi kezeńde 520,6 mlrd teńge somasyna 231 ótinim kelisildi. Qarjylandyrý «Qazaqstannyń damý banki» AQ, ekinshi deńgeıdegi bankter jelisi boıynsha tikeleı kredıtteý arqyly da, «QTK» AQ qatysýymen ákimdikterdiń memlekettik baǵaly qaǵazdaryn satyp alý mehanızmi arqyly da qarastyrylady. Búginde 231 jobanyń 37 jobasy boıynsha jobalyq-smetalyq qujattama ázirlendi. Bul jobalar iske asyrýǵa daıyn.
Kún tártibinde salany sıfrlandyrý máselesi de arnaıy qaraldy. Turǵyn úı-kommýnaldyq sharýashylyǵyna qatysty derekterdi jınaýdyń, berýdiń, taldaýdyń kóp deńgeıli júıesin qalyptastyrý qajettiligi atap ótildi. Mundaı júıe «tómennen joǵaryǵa» qaǵıdaty boıynsha – tutynýshylardan kommýnaldyq kásiporyndarǵa deıin, keıinnen «EnergyTech», «WaterTech» platformalaryna, «Smart Turmys» júıesine engizý erejesi boıynsha jumys isteýge tıis.
Otyrys qorytyndysynda Energetıka, О́nerkásip jáne qurylys mınıstrlikterine, sondaı-aq «TKSh Qazortalyǵy» AQ-ǵa tıisti tapsyrmalar berildi.
