Aımaqtar • 26 Maýsym, 2017

Qyzylordada jýrnalısterdiń "Qanatty qalam" forýmy ótti

153 ret

kórsetildi

1 mın

oqý úshin

26 maýsym kúni Qyzylordada oblys ákimi Qyrymbek Kósherbaevtyń qatysýymen «Qanatty qalam» jýrnalıster forýmy ótti. Aımaq basshysy respýblıkalyq jáne oblystyq buqaralyq aqparat quraldarynyń ókilderin kásibı merekelerimen quttyqtap, olarǵa shyǵarmashylyq tabystar tiledi.

Egemen Qazaqstan

Qyzylordada jýrnalısterdiń "Qanatty qalam" forýmy ótti

- Baılanys jáne aqparat salasyn únemi nazarda ustap, mańyzdylyǵyn eskerip jáne qoldap otyratyn Elbasymyz Nursultan Ábishuly Nazarbaev «Barlyq buqaralyq aqparat quraldary menshik formasyna qaramastan, óz halqynyń múddesi úshin jumys isteýge tıis» - degen bolatyn. Sebebi jýrnalıster – memlekettik baǵdarlamalar men reformalardyń mánin qalyń buqaraǵa jetkizip, Elbasymyzdyń sarabdal saıasatyn nasıhattap, halyq ishindegi ózekti máselelerdi taldap, bılik nazaryna usyný mıssııasyn moınyna alǵan qurmetti de kúrdeli kásip ıeleri,- dedi oblys ákimi.

О́z kezeginde qalamgerler de oblys ákimine qoldaý kórsetkeni úshin alǵystaryn jetkizdi, áriptesterin quttyqtap, salany damytý boıynsha oı-pikir, usynystaryn aıtty.

Qazirgi tańda oblystyń medıa keńistiginde 90-nan asa buqaralyq aqparat quraldary jumys isteıdi. Bul salada 2 myńnan astam adam eńbek etedi.