Saǵat 19.00-den bastap konsert aıaqtalǵanǵa deıin Turan jáne Qabanbaı batyr dańǵyldarynan, Jánibek, Kereı handar kóshesinen Uly dala kóshesine deıingi aralyqtaǵy kólik qozǵalystary shekteledi. Máńgilik el, Túrkistan, Aqmeshit kóshelerimen aınalyp ótýge keńes beriledi.
Dımash Qudaıbergen óner kórsetetin kúni stadıonǵa №10, 12, 27, 37, 40, 51, 53, 501, 502, 503, 505, 506 qoǵamdyq kódikterimen jetýge bolady.
Saǵat 18.00-den bastap tórt jerden: «Qazaqstan» SK avtoturaǵy, «Nur Astana» meshitiniń aldy, elordalyq sırk avtoturaǵy jáne «Jastar» saraıy aldynan kórermenderdi «Astana Arenaǵa» jetkizetin arnaıy kólikter uıymdastyrylady.
Arnaıy reıs avtobýstaryndaǵy jol aqysy 90 jáne 150 teńgeden, jol júrý bıletteri jaramsyz.
Konsert aıaqtalǵannan keıin osy reıstik avtobýstarmen nemese № 10, 12, 27, 37, 28, 40, 51, 53, 501, 502, 503, 505, 506 qoǵamdyq kólikterimen qalaǵa jetýge bolady.
Astana qalasy IID jergilikti polısııa qyzmeti júrgizýshilderden avtokólikterdi qoǵamdyq kólik retinde paıdalanýdan bas tartýyn suraıdy.
