Saılaý barlyq talapqa saı ótti

Mıssııa quramynda 106 baıqaýshy akkredıteldi.  Mıssııa músheleri saılaý komıssııalary saılaý naýqanyna qajetti aqparattyq, tehnıkalyq jáne qarjylyq resýrstarmen qamtamasyz etildi dep málimdedi.

Saılaý kúni Mıssııa ókilderi respýblıkanyń barlyq oblys ortalyqtarynda, Astana jáne Almaty qalalarynda tańdaýshylardyń birlesken otyrysyna qatysyp, tıisti saılaý komıssııalary  uıymdastyrǵan daýys berý rásimin daýys berý pýnktterinde baıqady. 

Delegasııa basshysy – TMD Baıqaýshylar mıssııasynyń basshysy V.Gýmınskıı 2017 jylǵy 28 maýsym  kúngi Qazaqstan Respýblıkasy Parlamenti Senaty depýtattarynyń saılaýy «Qazaqstan Respýblıkasyndaǵy saılaý týraly» Konstıtýsııalyq zańǵa jáne Konstıtýsııaǵa sáıkes ótti jáne saılaý balamaly negizde joǵary uıymdastyrýshylyq deńgeıde ótkizildi, básekege qabiletti jáne ashyq boldy dep málimdedi.

Keshe Qazaqstan Respýblıkasy Or­ta­lyq saılaý komıssııasynda Shan­haı ynty­maq­tas­tyq uıymynyń  Baı­qaý­shylar mıssııa­sy Qazaqstan Res­pýb­lıkasy Par­la­menti Senatynyń depýtattaryn saılaý­ǵa daıyndyqtyń jáne ótkizýdiń baıqaý nátıjeleri boıynsha brıfıng ótkizdi.

Mıssııa quramyna ShYU-ǵa múshe memleket­terdiń: Qytaı, Qyrǵyzstan, Reseı, Tájikstan, О́zbekstan elderi kirgenin aıta ketken jón.
Daýys berý kúni – 2017 jylǵy 28 maý­symda ShYU Mıssııasynyń músheleri Asta­na, Almaty jáne Kókshetaý qalalarynda tań­daý­shylardyń birlesken otyrystaryna qaty­syp, daýys berý pýnktteriniń ashylýyn, elektrondyq tirkeý, daýys berý, daýystardy sanaý rásimderin, qorytyndylardy habarlaýdy kórdi jáne daýys berý pýnktterinde ShYU Mıssııasyna Senat depýtattyǵyna tirkelgen kandıdattar týraly tolyq aqparat usynyldy. 
Shanhaı yntymaqtastyq uıymy Mıssııasynyń basshysy Van Kaıven saılaý Qazaqstan Respýblıkasynyń zańnamasyna jáne qabyldanǵan halyqaralyq mindettemelerge sáıkes ótti, bul  saılaýdy senimdi, ashyq jáne demokratııalyq  dep tanýǵa múmkindik beredi, dep málimdedi. 

Keshe Qazaqstan Respýblıkasy Ortalyq saılaý komıssııasynda Túrkitildes memleketter Yntymaqtastyq keńesiniń Baıqaýshylar mıssııasy Qazaqstan Respýblıkasy Parlamenti Senatynyń depýtattaryn saılaý boıynsha qorytyndy brıfıng ótkizdi.

Ázerbaıjan,Túrkııa elderinen saılaýdy baıqaýda úlken halyqaralyq tájirıbesi bar sarapshylar, sondaı-aq Túrki keńesi Hat­shy­lyǵynyń ókilderi kiretin Túrki keńesiniń mıssııasy Astana jáne Kókshetaý qalalarynda 2017 jylǵy 27 maýsymdaǵy saılaýdy baıqa­dy. Mıssııa daýys berý birqalypty jáne uıym­dasqan túrde ótti dep atap kórsetti. Saılaýda tańdaýshylardyń kelýi joǵary, ıaǵnı – 100% boldy.

Túrkitildes memleketterdiń Yntymaqtastyq keńesi Mıssııasynyń basshysy R.Gasanov Qa­zaqstan Respýblıkasy Parlamenti Sena­tynyń saılaýy ashyq jáne Qazaqstan Respýblıkasynyń zańna­masyna sáıkes básekelestik negizinde jáne demokratııalyq saılaýdyń halyqaralyq stan­darttaryn saqtaı otyryp ótkizildi dep málim­dedi. 

Keshe Túrkitildes memleketter Par­­la­menttik Assambleıasynyń Baıqaýshylar mıs­sııasy Qazaqstan Respýblıkasy Orta­­lyq saılaý komıssııasynda Qazaq­stan Respýblıkasy Parlamenti Sena­ty­nyń depýtattaryn saılaý qory­tyndylary boıynsha brıfıng ótkizdi. 

Mıssııa eki saılaý ýchaskesinde daýys berý prosesin baıqady. Negizgi qorytyndylarynyń biri retinde Mıssııa baıqaýshylardyń barlyq rásimderge erkin qol jetkizgenin atady. 

Mıssııa basshysy Jandos Asanov Senatqa saılaý Qazaqstan Respýblıkasynyń zańnamasyna jáne halyqaralyq standarttarǵa sáıkes ótti, dep málimdedi.