Kórmede kópshilik nazaryna Kenesary han, sondaı-aq Shoqan Ýálıhanovtyń ájesi Aıǵanym hanym týraly buryn kezdespegen qujattar usynyldy.
Omby oblysy Tarıhı arhıvindegi Azamattyq soǵysty zertteý ortalyǵynyń jetekshisi Galına Borodınanyń sózinshe, Omby arhıvinde uzaq ýaqyt qazaq eliniń táýelsizdigi úshin kúresken Kenesary hanǵa qatysty tyń málimetter barshylyq.
– «Sırek kezdesetin, aıryqsha qundy qujattar bolǵandyqtan Keńes kezinde zertteýshilerdiń qolyna túse bermedi. Qazaq halqynyń tarıhy úshin mańyzdy qujattardy zertteýshiler úshin alǵash ret kópshilik nazaryna usynyp otyrmyz. Qazaq tarıhynda eleýli orny bar tulǵalarǵa qatysty eń qyzyq derekterdi iriktep ákeldik, – deıdi G.Borodına.
Kórmeden XIX ǵasyrǵa tıesili Aqmola oblysynyń kartasy men ózge de qundy málimetterdi kórýge bolady. Atalǵan qujattardyń kóshirmeleri Astana qalasynyń memlekettik muraǵatyna tapsyrylady.
Aıa О́MIRTAI,
"Egemen Qazaqstan"
