«Festıvaldiń negizgi baǵdarlamasynda tolyqmetrajdy, qysqametrajdy kartınalar konkýrsy ótedi. 12 tolyqmetrajdy fılm, 30 qysqa metrajdy fılm qatysady. Jalpy alǵanda 14 álemdik kınokartına premerasy, 11 azııalyq premera ótedi» dedi Elena Larınova.
Bas dırektordyń aıtýynsha, Qazaqstannyń atynan rejısser Sábıt Qurmanbektiń «Oralman» fılmi qatysady. Fılm 2017 jyly Irandaǵy halyqaralyq «Fadjr» kınofestıvalinde bas júlde alǵan bolatyn.
«Bıyldyqqa festıval 13-shi ret ótip otyr. Bizder Rashıd Nuǵyman ekeýmiz festıval bastalǵaly birge kelemiz. Osy kezdiń ózinde qazaq kınosy da, «Eýrazııa» kınofestıvali de talaı bıikke kóterildi. Talaı juldyzdar, talaı esimder ashyldy» degen qazylar alqasynyń múshesi Talǵat Temenov bıylǵy konkýrsqa qazaqstandyq jas rejısserlardyń qatysyp jatqanyn aıtyp ótti. «Qysqametrajdy kartınalar konkýrsyna alty jas qazaq rejısser óz jumystaryn usyndy», dep tolyqtyrdy T.Temenov.
Aıa О́MIRTAI,
"Egemen Qazaqstan"
