Sala qyzmetkerlerin kásibı merekemen aımaq basshysy Qumar Aqsaqalov quttyqtady.
«Táýelsizdik alǵan kúnnen bastap El Prezıdenti memlekettiń qaýipsizdigi men tynyshtyǵyn basty nazarda ustap keledi. Elbasy «Eldiń tynyshtyǵyn, turaqtylyǵyn saqtaý bárimizdiń qasıetti boryshymyz», dep qaýipsizdiktiń mańyzyn atap ótken bolatyn. Sizderdiń ult múddesi úshin aıanbaı eńbek etip, tabystarǵa jete berýlerińizge tilektespin», dedi Qumar Irgebaıuly.
Áriptesterin UQK departamentiniń basshysy, general-maıor Asqar Aqshaev quttyqtady.
Saltanatty jıyn barysynda minsiz oryndaýshylyq tártibi men qyzmettik is-qımylda qol jetkizgen oń nátıjeleri úshin, sondaı-aq, QR Ulttyq qaýipsizdik komıtetiniń 25 jyldyǵyna oraı bir top qyzmetkerge oblys ákiminiń Qurmet gramotalary jáne Alǵys hattary tabys etildi.
14 qyzmetkerge «Qazaqstan Respýblıkasynyń Ulttyq qaýipsizdik komıtetine 25 jyl» merekelik medali tabystaldy. Budan basqa birneshe qyzmetker Ulttyq qaýipsizdik komıteti tóraǵasynyń Qurmet gramotasyn ıelendi.
Jıyn óńirdiń shyǵarmashylyq ujymdary óner kórsetken merekelik konsertke jalǵasty.
О́mir ESQALI,
«Egemen Qazaqstan»
