Osy oraıda shaǵyn jáne orta bızneske, ásirese aýyl sharýashylyǵyn damytýǵa ınvestısııa tartý úshin aldaǵy jyldary aımaqtarda jemis-jıdek saqtaý qoımalaryn salý, jemis-jıdek baqtaryn, sonymen qatar óńdeý kásiporyndary men aralas óndiristi damytýda aýqymdy jumystar atqarylatyn bolady.
Osy baǵytta Jambyl oblysynyń ákimdigi men «Taraz» áleýmettik-kásipkerlik korporasııasy» Ulttyq kompanııasy» aksıonerlik qoǵamy, sondaı-aq «Agrarlyq nesıe korporasııasy» arasynda yntymaqtastyq jónindegi memorandýmǵa qol qoıyldy.
Búginde baý-baqsha sharýashylyǵyn damytý joǵary mýltıplıkatıvtik nátıjege ıe bolyp otyr. Bul óz kezeginde konteıner jasaý, qaptaý, tehnıkany qurastyrý, tamshylatyp sýarý jáne taǵy da basqa óndirister boıynsha jobalardy qurýǵa múmkindik beredi.
Hamıt Esaman,
«Egemen Qazaqstan»
