Jekpe-jek alǵashqy raýndynda eki boksshy da baryn salmaı, sáti túskende judyryq jumsap júrgen. Ekinshi kezeń bastala sala La Krýz alǵa atoı salyp, lap qoıdy. Alaıda sáti kelgende Arman da qarsylasyn qulaq shekeden sileıtip uryp otyrdy. «Arlannyń» áleýetin baıqaǵan La Krýz kóp uzamaı-aq aıaq tartyp, sharshy alańnyń burysh-buryshyna qashyp júrip bokstasaýǵa kóshti. Jekpek-jektiń qalǵan bóliginde kýbalyq "qabylan" Armannyń adymyn ashtyrǵan joq.
Armannyń jeńilisi sátsizdik emes. Kezdesýge deıin-aq boks mamandary da, jankúıerler de La Krýzdy favorıt retinde sanaǵan. Endi she, ol ózi barǵan jarystyń bárinde qarsylastaryn jeńip, altyn medali alyp qaıtady. Rıo Olımpıadasynda, Dohada ótken álem chempıonatynda qarsylas shaq keltirmegeni taǵy bar. WSB jobasynda da La Krýz jeńilistiń ashy dámin jıi seze bermeıdi.
Dúnıejúzilik boks serııasynyń (WSB) jetinshi maýsymdaǵy fınaldyq jekpe-jegi dál qazir Astanadaǵy «Qazaqstan» sport kesheninde ótip jatyr. Ázirge kýbalyqtar 4:2 esebimen alda keledi.
