«Men Ulttyq quramaǵa qaıta oraldym. Alla qalasa aldaǵy ýaqytta burynǵydaı qurama sapynda óner kórsetetin bolam. Qazir Astanada otbasymmen birge demalyp jatyrmyn. Buıyrsa daıyndyqty bastaıtyn kúnderim de alys emes», dep atap ótti ol.
Sonymen qatar ol aldaǵy ýaqyta qaı salmaqta óner kórsetetinin de aıtyp ótti.
«Men «qazaqtyń salmaǵy» atanyp ketken 69 kelide Olımpıada chempıony atandym. 4-5 jyl osy salmaqta judyryqtastym. Aldaǵy ýaqytta da osy salmaqta qala beremin», dedi Danııar Eleýsinov.
Aıta keteıik, Danııar Eleýsinov Rıo Olımpıadasynan keıin avstralııalyq MJA Entertainment promoýterlik kompanııasymen kelisimshart jasasyp, kásipqoı boksqa aýysqan bolatyn. Alaıda, atalǵan kompanııa ýádesinen taıyp, keıin kelisimnen bas tartqany týraly habarlaǵanbyz. Osydan birer aı buryn Danııar Eleýsinov ulttyq quramaǵa qaıta kelýi múmkin ekenin aıtqan bolatyn.
