Ispanııanyń eń iri qoǵamdyq ǵylymı-zertteý ınstıtýty – (ConsejoSuperiordeInvestiqacionesCientificas (CSIC) ǵylymı-zertteý jónindegi Joǵarǵy keńesi Webometrics «TRANSPARENT RANKING: Top Universities by Gooqle Scholar Citanions» reıtıngisiniń qorytyndysyn jarııalady.
L.N. Gýmılev atyndaǵy Eýrazııa ulttyq ýnıversıteti álemdik bilim keńistiginde básekege qabiletti ekendigin taǵy da dáleldep, álemdegi úzdik 4 982 ýnıversıtet arasynda 725-orynǵa kóterildi. Bul reıtıngke respýblıkamyz boıynsha alty joǵary oqý orny qatysqan: ekinshi orynda – Nazarbaev Ýnıversıteti (1 382 oryn), úshinshi orynda Ál-Farabı atyndaǵy Qazaq ulttyq ýnıversıteti (3 559 oryn). Sonymen qatar Q.Sátbaev atyndaǵy Qazaq ulttyq tehnıkalyq ýnıversıteti – 4 077 oryndy, Qazaq-Brıtan tehnıkalyq ýnıversıteti – 4 932 oryndy, S. Asfendııarov atyndaǵy Qazaq ulttyq medısınalyq ýnıversıteti 4 961 oryndy ıelendi.
Eýrazııa ulttyq ýnıversıteti Qazaqstan men Orta Azııany bylaı qoıǵanda, TMD elderiniń JOO-lary arasynda ozyq jetistikke jetip otyr. Sheteldik sarapshylardyń pikirinshe, óte qysqa merzim ishinde álemniń eń úzdik ýnıversıtteri qataryna enip, osyndaı jetistikke jetý – naǵyz álemdik fenomen jáne qarqyndy túrde alǵa ilgerileý. Bul L.N. Gýmılev atyndaǵy Eýrazııa ulttyq ýnıversıteti ujymynyń kásibı deńgeıiniń joǵary ekenin jáne jumysty jumylyp atqaryp otyrǵanyn dáleldeıdi.
Condaı-aq eń iri qoǵamdyq ǵylymı-zertteý ınstıtýty – (ConsejoSuperiordeInvestiqacionesCientificas (CSIC) Joǵarǵy keńesi Webometrics Rankingof World Repositories reıtıngisiniń shyǵarǵan qorytyndysy boıynsha Eýrazııa ulttyq ýnıversıteti álemdik deńgeıde 878, Qazaqstan boıynsha I oryn ıelendi.
Webometrics reıtıngisinde baǵalaýdyń mańyzdy krıterııi – ǵalamtor jelisinde usynylǵan ǵylymı maqalalar, JOO ǵalymdarynyń zertteýleri men olardyń dáıeksóz kórsetkishiniń bolýy. Aıta ketken jón, 2017 jylǵy shildedegi reıtıng boıynsha qazaqstandyq 8 elektrondy ǵylymı muraǵat usynylsa, qańtar aıyndaǵy kórsetkish boıynsha L.N.Gýmılev atyndaǵy Eýrazııa ulttyq ýnıversıteti álemdik satyda 1 973, respýblıka boıynsha 4-shi orynǵa turaqtaǵan bolatyn.
Búginde «eýrazııalyqtardyń» elektrondyq ǵylymı maqalalarǵa ashyq qoljetimidilik múmkindigimen qamtamasyz etetin Eýrazııa ulttyq ýnıversıtetiniń repozıtorıı qorynda 10 000-nan astam materıal bar. Bul rette L.N. Gýmılev atyndaǵy EUÝ qazaqstandyq JOO arasynda alǵash bolyp sheteldegideı maqalalarǵa erkin qoljetimdilik múmkindigin tájirıbede qoldanyp keledi.
