Fýtbol • 26 Shilde, 2017

Iаsek Magera: Varshavada «Astanany» jeńý úshin barymyzdy salamyz

150 ret

kórsetildi

1 mın

oqý úshin

Bul oıyn biz úshin óte aýyr ótti. Bári oılaǵanymyzdaı bolmady. Bizge jasandy alańda doptyń jyldamdyǵyna úırený úshin azdap ýaqyt qajet boldy. Mıhal Kýharchıktiń gol soǵatyn múmkindikteri bolǵan. Biraq paıdalana almady. Al ekinshi goldy biz jibermeýimiz kerek edi. Bolmashy jerden kirip ketti. Úziliste qandaı taktıka qoldanyp, kimdi almastyratynymyzdy aqyldastyq. 46 jáne 49-mınýttarda keminde bir gol soǵýymyz kerek bolatyn. Biraq bul joly da sáttilik joldas bolmady. Artynan «Astananyń» múmkindigi týdy. Olar da paıdalana almady. Bul matchta «Astana» úzdik bolǵany anyq. Degenmen alda Varshavada 90 mınýt kútip tur.

Egemen Qazaqstan

Iаsek Magera: Varshavada «Astanany» jeńý úshin barymyzdy salamyz

Mundaı oıyndaryńyzben, osyndaı nátıjeden keıin Eýropa lıgasynyń pleı-off kezeńine daıyndalǵyńyz kelmeı me?

«Astanany» jeńisimen quttyqtaımyn. Biraq fýtbolda bári múmkin. Ekinshi oıynda sońyna deıin kúresetin bolamyz.

«Astananyń» osyndaı oıynyna «Legııa» ne sebepti daıyn bolmady?

Biz bul oıyndy ótkenniń enshisine qaldyryp, Polshadaǵy matchty oılaıtyn bolamyz. Búgin «Astana» múldem basqasha oınady dep esepteımin. Olardyń qandaı basymdyqtary baryn biletinbiz. Bárin josparly túrde júzege túrde asyrdy.

«Legııa» qanshalyqty óz oıynyn kórsete aldy. Tóreshi qosymsha alty mınýt qosqanda ishteı qýandyńyz ba?

Men tóreshiniń qansha mınýt qosatynyna áser ete almaımyn. Búgingi oıyn alań ıeleriniń basymdyǵymen ótkenin taǵy da erekshe atap ótemin. «Legııa» Varshavada bárin retteýge tyrysady.

Aıan ÁBDÝÁLI,
"Egemen Qazaqstan"