Ortalyq Azııa-Qytaı qatynastary talqylandy

Jıynda ÁESI dırektory Erjan Sal­tybaev búgingi tań­da «Beldeý jáne jol» atty qytaı­lyq bastamanyń damýy aıasynda Qy­taı-Ortalyq Azııa pishimindegi baı­lanystar ulǵaıyp kele jatqa­nyn aıta kelip, «Ortalyq Azııa aımaǵynyń barlyq elderi Shyǵys­taǵy kórshimen tyǵyz qarym-qa­ty­nasta. Aımaqtaǵy elder aldynda olardyń ekonomıkalyq jáne kólik-ınfraqurylymdyq damýyn arttyratyn jańa múmkindikter paıda bolýda», dedi.

Dóńgelek ústelge qatysýshylar Ortalyq Azııa aımaǵyndaǵy elderdiń Qytaımen serik­testigi, aradaǵy ınvestısııalyq áriptestiktiń qazir­gi ahýaly, óńir memleketteri men QHR ara­synda jıi týyndaıtyn túıtkildi másele­ler, sonymen qatar, Qytaıdyń «Beldeý men jol» bastamasynyń bolashaǵy sekildi taqy­ryptardy talqylady.

Basqosýda Qyrǵyz Res­pýb­lıkasy Strate­gııalyq zertteýler ulttyq ınstıtýtynyń dırek­tory Azamat Dıkambaev, Tájik­stan Prezıdenti janyndaǵy Strategııalyq zertteý­ler orta­ly­ǵynyń analız jáne boljaý basqarmasynyń basshysy Ab­dýllo Hakım, Qazaqstan Prezı­denti janyndaǵy QSZI bas ǵylymı qyzmetkeri Konstantın Syroej­kın, «ChinaCenter» Qazaqstan-Qytaı seriktestigi halyqaralyq ortalyǵynyń bas dırektory Ádil Kaýkenov, Qoǵamdyq máseleler analızi ortalyǵynyń dırektory Merýert Mahmýtova, «Ekspert-Kazahstan» iskerlik jýrnalynyń bas redaktory Sergeı Domnın jáne táýelsiz sarapshy Aleksandr Knıazev, Bahtıer Ergashev (О́zbekstan Respýblıkasy) óz oılaryn ortaǵa saldy.

«Egemen-aqparat»