Osyǵan deıin segiz dúrkin Olımpıada chempıony atanǵan jelaıaq Londondaǵy álem chempıonatynda jeńimpaz atanyp, sportpen qoshtasqysy keletindigin aıtqan bolatyn. Alaıda, aty ańyzǵa aınalǵan ıamaıqalyq jelaıaq álem chempıonatyndaǵy 4h100 estafetanyń sońǵy tórtinshi aınalymynda jarys jolyna shyǵyp, jaraqat alyp qaldy.
Aldyn ala málimetterge qaraǵanda, ol jambasynan jaraqattanǵan. Sondaı-aq osy qashyqtyqta Iаmaıkanyń erler quramynda Omar Makleod, Djýlıan Fort, Iohan Bleıkter de júgirdi.
Bolt sońǵy básekeniń qorytyndy kezeńinde oqystan jaraqat alyp, máre syzyǵyna jetpeı toqtady. Estafetada 37,47 sekýnd kórsetkishimen Ulybrıtanııa komandasy jeńimpaz atandy. Ekinshi bolyp máre syzyǵyna amerıkalyqtar (37,52) jetse, úshinshi oryndy japondar (38,0) ıelendi.
